ଅର୍ଣ୍ଣବଙ୍କ ଗିରଫଦାରୀକୁ କଡା ଭାଷାରେ ନିନ୍ଦା କଲେ ଓଡ଼ିଶାର ଦୁଇ କେନ୍ଦ୍ର ମନ୍ତ୍ରୀ

ମୁମ୍ବାଇ: ରିପବ୍ଲିକ ଟିଭିର ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ୱାମୀଙ୍କୁ ମୁମ୍ବାଇ ପୁଲିସ ଆଜି ଗିରଫ କରିଛି । ଅର୍ଣ୍ଣବଙ୍କ ମୁମ୍ବାଇସ୍ଥିତ ବାସଭବନରୁ ଏହି ଗିରଫଦାରୀ ହୋଇଛି । ସମ୍ବାଦସରବରାହ ସଂସ୍ଥା ପିଟିଆଇ ଅନୁସାରେ, ୨୦୧୮ ମସିହାର ଜଣେ ଇଂଟେରିୟର ଡିଜାଇନରଙ୍କୁ କଥିତ ଭାବେ ଆତ୍ମହତ୍ୟା କରିବା ପାଇଁ ଉସୁକାଇବା ମାମଲାରେ ଅର୍ଣ୍ଣବ ଗୋସ୍ୱାମୀଙ୍କୁ ଗିରଫ କରାଯାଇଛି । ଆଜି ସକାଳୁ ସକାଳୁ ମୁମ୍ବାଇ ପୁଲିସ ଅର୍ଣ୍ଣବଙ୍କ ଘରେ ପଂହଚି ତାଙ୍କୁ ହେପାଜତକୁ ନେବାକୁ ଉଦ୍ୟମ କରିଥିଲା ।

ଏହା ସହ ମୁମ୍ବାଇ ପୁଲିସ ଦୁର୍ବବ୍ୟହାର କରିଥିବା ଖୋଦ ଅର୍ଣ୍ଣବ ଅଭିଯୋଗ କରିଛନ୍ତି । ତେବେ ଅର୍ଣ୍ଣବଙ୍କ ଏହି ଗିରଫଦାରୀକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସହ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଦୃଢ ନିନ୍ଦା କରିଛନ୍ତି | ଗଣତନ୍ତ୍ରର ଚତୁର୍ଥ ସ୍ତମ୍ଭ ଉପରେ ଏଭଳି ଆକ୍ରମଣ ପୁଣି ଥରେ ଆପାତକାଳୀନ ଅବସ୍ଥାକୁ ମନେପକାଇଦେଉଛି ବୋଲି ଗୃହମନ୍ତ୍ରୀ ଅମିତ ଶାହା କହିଛନ୍ତି | ଅନ୍ୟ ପଟେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ କେନ୍ଦ୍ର ମନ୍ତ୍ରୀ ପ୍ରତାପ ଷଡ଼ଙ୍ଗୀ ମଧ୍ୟ ଏହି ଘଟଣାକୁ ନିନ୍ଦା କରିଛନ୍ତି |

Maharashtra Govt’s witch-hunt against media freedom is appalling and an assault on the very essence of democracy.

MVA’s attempts to throttle free speech and recreate #Emergency in Maharashtra is highly condemnable and a naked display of brutish intolerance.#ArnabGoswami

— Dharmendra Pradhan (@dpradhanbjp) November 4, 2020

ଧର୍ମେନ୍ଦ୍ର ଟ୍ୱିଟ କରି ଲେଖିଛନ୍ତି ଯେ ଗଣମାଧ୍ୟମର ସ୍ୱାଧୀନତା ବିରୋଧରେ ମହାରାଷ୍ଟ୍ର ସରକାରଙ୍କ ପ୍ରୟାସ ଅତ୍ୟନ୍ତ ନିନ୍ଦନୀୟ ଏବଂ ନିଷ୍ଠୁର ଅସହିଷ୍ଣୁତାର ଏକ ଉଲଗ୍ନ ପ୍ରଦର୍ଶନ | ସେହିପରି ପ୍ରତାପ ଟ୍ୱିଟ କରି ଲେଖିଛନ୍ତି ଯେ ଅର୍ଣ୍ଣବ ଗୋସ୍ୱାମୀଙ୍କୁ ଗିରଫ ସହ ସାମ୍ବିଧାନିକ ସ୍ୱତନ୍ତ୍ରତାର ନିୟମକୁ ଯେଭଳି ଅପମାନ କରିବା ଭଳି ଯେଉଁ ନିନ୍ଦନୀୟ କାର୍ଯ୍ୟ ମହାରାଷ୍ଟ୍ର ସରକାର କରିଛନ୍ତି, ତାହା ଆପାତକାଳୀନ ସ୍ଥିତିକୁ ପୁଣି ଥରେ ମନେ ପକାଇଦେଇଛି |

अरनब गोस्वामी जी को गिरफ्तार करके जो निंदनीय कृत महाराष्ट्र सरकार ने किया है, साथ ही साथ कानून और संवैधानिक स्वतंत्रता के नियम का अपमान किया है यह हमे आपातकाल के काले दिन की याद दिलाता है I

— Pratap Sarangi (@pcsarangi) November 4, 2020