ବିହାରରେ ନୀତିଶ କୁମାର ଆମର ନେତା, ବିଜେପି-ଜେଡିୟୁ ମଧ୍ୟରେ ବିବାଦ ନାହିଁ: ଧର୍ମେନ୍ଦ୍ର
ପାଟନା: ବିହାରରେ ବିଜେପି ଏବଂ ଜେଡିୟୁ ମଧ୍ୟରେ ଚାଲିଥିବା କଳହର ଖବର ମଧ୍ୟରେ ମୋଦୀ ସରକାରରେ ମନ୍ତ୍ରୀ ତଥା ବିଜେପିର ବରିଷ୍ଠ ନେତା ଧର୍ମେନ୍ଦ୍ର ପ୍ରଧାନ ଆଜି ଏକ ବଡ଼ ବିବୃତ୍ତି ଦେଇଛନ୍ତି। ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ବିହାରରେ ନୀତିଶ କୁମାର ଆମର ନେତା। ବିଜେପି ଏବଂ ଜେଡିୟୁ ମଧ୍ୟରେ କୌଣସି ବିବାଦ ନାହିଁ। ଆମେ ନୀତିଶ କୁମାରଙ୍କ ନେତୃତ୍ୱରେ ବିହାରରେ ସେବା କରୁଛୁ। ନୀତିଶ କୁମାରଙ୍କୁ ଭେଟିବା ପରେ ଧର୍ମେନ୍ଦ୍ର ବିଜେପି ରାଜ୍ୟ ମୁଖ୍ୟାଳୟରେ କହିଛନ୍ତି ଯେ ନୀତିଶ ଜୀ ଆମର ନେତା। ଯେତେବେଳେ ବି ବିହାର ଆସିବି, ଆମର ନେତାଙ୍କୁ ଭେଟିବା ଏକ ସ୍ୱାଭାବିକ କଥା |
Sambad is now on WhatsApp
Join and get latest news updates delivered to you via WhatsApp
ବିଜେପି-ଜେଡିୟୁ ମଧ୍ୟରେ ଚାଲିଥିବା ମୌଖିକ ଯୁଦ୍ଧକୁ ନେଇ ସେ କହିଛନ୍ତି ଯେ ସ୍ଥାନୀୟ ନେତାମାନେ ଏହାର ଉତ୍ତର ଦେବେ। ଆମ ମଧ୍ୟରେ କୌଣସି ବିବାଦ ନାହିଁ | ସବୁ ଠିକ ଅଛି। ଗଣତାନ୍ତ୍ରିକ ପ୍ରସଙ୍ଗରେ ବେଳେବେଳେ ରାଜନୈତିକ ଦଳ ମଧ୍ୟରେ ମତଭେଦ ରହିଥାଏ, କିନ୍ତୁ ବିହାରରେ ଆମକୁ ସେବା କରିବାକୁ ଯେଉଁ ଜନାଦେଶ ମିଳିଛି ତାହାକୁ ପୂରଣ କରୁଛୁ |
ସେ ଆହୁରି ମଧ୍ୟ କହିଛନ୍ତି ଯେ ନୀତିଶ କୁମାର ୨୦୨୫ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ରହିବେ। ଧର୍ମେନ୍ଦ୍ର ପ୍ରଧାନ ଆହୁରି କହିଛନ୍ତି ଯେ ଆଗାମୀ ଦିନରେ ଦ୍ରୌପଦୀ ମୁର୍ମୁ ବିହାର ଗସ୍ତ କରିବେ। ସେ ବିଧାନସଭା, ଲୋକସଭା ଏବଂ ରାଜ୍ୟସଭା ସଦସ୍ୟଙ୍କ ସମର୍ଥନ ପାଇଁ ଆବେଦନ କରିବାକୁ ବିହାରକୁ ଆସିବେ। ଏହି ସବୁ ବିଷୟ ଉପରେ ନୀତିଶ ଜୀଙ୍କ ସହିତ ମୋର ଆଲୋଚନା ହୋଇଛି | ମୋର ସମ୍ପୂର୍ଣ୍ଣ ବିଶ୍ୱାସ ଅଛି ଯେ ବିହାର ଏକଜୁଟ ହୋଇ ମୁର୍ମୁଙ୍କୁ ଭୋଟ୍ ଦେବ।