ମୁମ୍ବାଇ: ସିନେନିର୍ମାତା ତଥା ଧୁମ୍‌ ଓ ଧୁମ୍‌ ୨ ସିନେମାର ନିର୍ଦ୍ଦେଶକ ସଂଜୟ ଗଦଭିଙ୍କର ଆଜି ହୃଦ୍‌ଘାତରେ ପରଲୋକ ହୋଇଯାଇଛି। ତାଙ୍କୁ ୫୬ ବର୍ଷ ହୋଇଥିଲା ଏବଂ ୩ ଦିନ ପରେ ଆସନ୍ତା୨୨ ତାରିଖରେ ସେ ୫୭ ବର୍ଷରେ ପଦାର୍ପଣ କରିଥାନ୍ତେ। ଧୁମ୍ ଓ ଧୁମ୍‌ ୨ ସିନେମାରେ ନିର୍ଦ୍ଦେଶନା ତାଙ୍କୁ ଖ୍ୟାତି ଆଣି ଦେଇଥିଲା। ମେରେ ୟାର୍‌ କୀ ଶାଦି ହୈ, କିଡନାପ୍‌, ଅଜବ ଗଜବ ଲଭ ଆଦି ଏକାଧିକ ସିନେମାରେ ମଧ୍ୟ ସେ ନିର୍ଦ୍ଦେଶନା ଦେଇଛନ୍ତି। ୨୦୦୦ ମସିହାରେ ତେରେଲିୟେ ସିନେମାରୁ ତାଙ୍କର ନିର୍ଦ୍ଦେଶନା କ୍ୟାରିୟର ଆରମ୍ଭ ହୋଇଥିଲା। ଗଦଭିଙ୍କର ପତ୍ନୀ ଜିନା ଏବଂ ଦୁଇ ଝିଅ ଅଛନ୍ତି। ତାଙ୍କ ମୃତ୍ୟୁରେ ସିନେଜଗତର ବହୁ ବ୍ୟକ୍ତି ଗଭୀର ଶୋକବ୍ୟକ୍ତ କରିଛନ୍ତି।