ଶସ୍ତା ଡିଜେଲକୁ ନେଇ ନେପାଳ ସରକାରଙ୍କର ଛାଟ, ଭାରତର ଟ୍ରକ ପାଇଁ ସୀମା ନିର୍ଦ୍ଧାରଣ କଲେ ସରକାର
ନୂଆଦିଲ୍ଲୀ: ଶସ୍ତା ପେଟ୍ରୋଲ-ଡିଜେଲ ପାଇଁ ନେପାଳ ଯାଉଥିବା ଭାରତର ଟ୍ରକ ଚାଳକଙ୍କୁ ନେପାଳ ସରକାର ଝଟକା ଦେଇଛନ୍ତି | ଭାରତ-ନେପାଳ ସୀମାନ୍ତ ଜିଲ୍ଲାଗୁଡ଼ିକରେ ପେଟ୍ରୋଲ ପମ୍ପ ପାଇଁ ନେପାଳ ତୈଳ ନିଗମ ନିର୍ଦ୍ଦେଶାବଳୀ ଜାରି କରିଛି। ମିଳିଥିବା ସୂଚନା ମୁତାବକ ଭାରତରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ବ୍ୟାପକ ବୃଦ୍ଧି ହେତୁ ଭାରତୀୟ ଟ୍ରକମାନେ ନେପାଳର ଡିଜେଲ-ପେଟ୍ରୋଲ ବ୍ୟବହାର କରୁଥିଲେ | ଆଉ ଏଥିପାଇଁ କଳା ବେପାରୀ ବୃଦ୍ଧି ପାଇଥିବା ଦେଖିବାକୁ ମିଳିଥିଲା | ତେବେ ଏଥିରେ ରୋକ ଲଗାଇବାକୁ ନେପାଳ ସରକାର ନୂଆ ନିର୍ଦ୍ଦେଶାବଳୀ ଜାରି କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ନେପାଳ ସରକାରଙ୍କ ପକ୍ଷରୁ ସୀମାନ୍ତ ଜିଲ୍ଲାର ପେଟ୍ରୋଲ ପମ୍ପକୁ ଦିଆଯାଇଥିବା ନିର୍ଦ୍ଦେଶାବଳୀରେ ଦର୍ଶାଯାଇଛି ଯେ ଭାରତୀୟ ଗାଡିରେ ୧୦୦ ଲିଟରରୁ ଅଧିକ ଡିଜେଲ ପକାଯିବ ନାହିଁ | ଏହା ବ୍ୟତୀତ କୌଣସି ତେଲ ଟ୍ୟାଙ୍କରରେ ଡିଜେଲ / ପେଟ୍ରୋଲ ଦେବା ଉପରେ ନିଷେଧାଦେଶ ରହିଛି। ଗାଇଡଲାଇନରେ ଆହୁରି ମଧ୍ୟ କୁହାଯାଇଛି ଯେ ନେପାଳକୁ ଆସୁଥିବା ଭାରତର ଗାଡି ଗୁଡିକ ଉପରେ ନଜର ରଖାଯାଉ | ଯେଭଳି ପେଟ୍ରୋଲ-ଡିଜେଲ କଳାବଜାରୀ ହୋଇପାରିବ ନାହିଁ |
ସୂଚନା ମୁତାବକ, ଭାରତରୁ ଅତ୍ୟାବଶ୍ୟକ ସାମଗ୍ରୀ ନେଇ ନେପାଳ ଯାଉଥିବା ଟ୍ରକଗୁଡ଼ିକ ସେମାନଙ୍କ ଟ୍ୟାଙ୍କ ଖାଲି କରି ନେପାଳ ଯାଇ ସେଠାରୁ ଡିଜେଲ ପୂର୍ଣ୍ଣ କରି ଆସୁଛନ୍ତି | କାରଣ ଭାରତୀୟ ମୁଦ୍ରା ଅନୁଯାୟୀ ନେପାଳରେ ପେଟ୍ରୋଲ ଲିଟର ପିଛା ୭୦ ଟଙ୍କା ୩୧ ପଇସା ଏବଂ ଡିଜେଲ ଲିଟର ପିଛା ୫୯ ଟଙ୍କା ୬୯ ପଇସା ରହିଛି | ଭାରତରେ କିନ୍ତୁ ପେଟ୍ରୋଲ ଲିଟର ପିଛା ୯୦ ଟଙ୍କା ଉପରେ ଥିବାବେଳେ ଡିଜେଲ ୮୦ ଟଙ୍କା ଉପରେ ରହିଛି | ବଡ କଥା ଯେ ନେପାଳରେ ବିକ୍ରି ହେଉଥିବା ତେଲ ଭାରତରୁ ଯାଉଛି | ପୁରୁଣା ଚୁକ୍ତିନାମା ଅନୁଯାୟୀ, ଭାରତୀୟ ତୈଳ ନିଗମ (ଆଇଓସି) କେବଳ ନେପାଳ ପାଇଁ ଗଲ୍ଫ ଦେଶରୁ ଇନ୍ଧନ ମଗାଉଛି । ଆଇଓସି କ୍ରୟ ମୂଲ୍ୟରେ ନେପାଳକୁ ଇନ୍ଧନ ଯୋଗାଏ ଏବଂ ନେପାଳରୁ କେବଳ ରିଫାଇନାରୀ ଚାର୍ଜ ଆଦାୟ କରିଥାଏ |