କନିଆଁ ଆଣିବାକୁ ୧୧ କିଲୋମିଟର ଧାଇଁ ଧାଇଁ ଗଲେ ବର
ଇନ୍ଦୋର: ବାହାଘର । ଏହା ଏମିତି ଏକ ଶବ୍ଦ, ଯାହା ଶୁଣିଲେ ମନରେ ବାଜା, ରୋଷଣୀ, ଡିଜେ ଆଦିର କଳ୍ପନା ଚାଲିଆସିଥାଏ । କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ବାହାଘର କଥା କହିବୁ, ଯାହାକି ଆପଣ ଆଗରୁ କେବେ ବି ଦେଖିନଥିବେ । ଘଟଣାଟି ହେଉଛି ମଧ୍ୟପ୍ରଦେଶ ଇନ୍ଦୋରର । ଯେଉଁଠାରେ ବିନା ବ୍ୟାଣ୍ଡ୍-ବାଜାରେ ବାହାରିଥିଲା ଏକ ନିଆରା ବରଯାତ୍ରୀ ।
Sambad is now on WhatsApp
Join and get latest news updates delivered to you via WhatsApp
ବିବାହ ପାଇଁ ସେରୱାନୀ ପିନ୍ଧି ବର ଦୌଡୁଥିଲା ଏବଂ ପଛେ ପଛେ ୫୦ରୁ ଅଧିକ ବରଯାତ୍ରୀ ମଧ୍ୟ ଦୌଡୁଥିବାର ନଜର ଆସିଥିଲେ । ମିଳିଥିବା ସୂଚନା ମୁତାବକ ଫିଜିକାଲ୍ ଟ୍ରେନର ଭାବେ କାମ କରୁଥିବା ନୀରଜ ମାଲବୀୟଙ୍କର ବାହାଘର ଥିଲା । ଆଉ ନିଜ ବାହାଘରରେ ପାଖାପାଖି ୧୧ କିଲୋମିଟର ଦୌଡି ଦୌଡି ଯାଇଥିଲେ ନୀରଜ । ନୀରଜଙ୍କ କହିବା କଥା, ସେ ତାଙ୍କ ବିବାହକୁ ନିଆରା ଭାବେ କରିବାକୁ ଚାହୁଁଥିଲେ । ଯେଉଁଥିପାଇଁ ସେ ଏଭଳି କିଛି ଯୋଜନା କରିଥିଲେ ।
କିନ୍ତୁ ରାସ୍ତାରେ ଯିଏ ଏଭଳି ଦୃଶ୍ୟ ଦେଖୁଥିଲେ, ସେମାନେ ଆଶ୍ଚର୍ଯ୍ୟ ହୋଇଯାଉଥିଲେ । ବରଯାତ୍ରୀରେ ଥିବା ବୃଦ୍ଧ ବୟସ୍କ ବ୍ୟକ୍ତିମାନେ ମଧ୍ୟ ଦୌଡି ଦୌଡି ଯାଉଥିବାର ଦେଖିବାକୁ ମିଳିଥିଲା । ଆଉ ସବୁଠାରୁ ବଡ କଥା ହେଉଛି, ଏହି ବରଯାତ୍ରୀରେ ରହିଥିଲା ଡ୍ରେସ କୋଡ୍ । ବରଯାତ୍ରୀରେ ସାମିଲ ଥିବା ଲୋକମାନେ ହଳଦିଆ ରଙ୍ଗର ଟି-ସାର୍ଟ ପିନ୍ଧିଥିଲେ । ଆଉ ରାସ୍ତାରେ ଯିଏବି ଏହି ବରଯାତ୍ରୀକୁ ଦେଖୁଥିଲେ, ସେମାନେ ଘଡିଏ ଅଟକିଯାଉଥିଲେ ।