ସରସ୍ୱତୀ ଶିଶୁ ମନ୍ଦିରକୁ ନେଇ ବିବାଦୀୟ ବୟାନ ଦେଲେ ଦିଗବିଜୟ, ରାସ୍ତାକୁ ଓହ୍ଲାଇଲେ ଛାତ୍ରଛାତ୍ରୀ
ଭୋପାଳ: ସରସ୍ୱତୀ ଶିଶୁ ମନ୍ଦିରକୁ ନେଇ ବିବାଦୀୟ ବୟାନ ଦେଲେ କଂଗ୍ରେସ ନେତା ଦିଗବିଜୟ ସିଂହ | ଆଉ ଏହାକୁ ଜୋରଦାର ବିରୋଧ କରିଛି ବିଜେପି | କେବଳ ବିଜେପି ନୁହେଁ ବରଂ ଶିଶୁମନ୍ଦିରର ଛାତ୍ରଛାତ୍ରୀ ମଧ୍ୟ ଦିଗବିଜୟଙ୍କ ବିରୋଧରେ ରାସ୍ତାକୁ ଓହ୍ଲାଇଛନ୍ତି | ମିଳିଥିବା ସୂଚନା ମୁତାବକ ମଧ୍ୟପ୍ରଦେଶରେ ବିଦ୍ୟାଳୟ ଓ ମଦ୍ରାସାକୁ ନେଇ ରାଜନୈତିକ ବିବାଦ ଆରମ୍ଭ ହୋଇଛି। ଦିଗବିଜୟ ସରସ୍ୱତୀ ଶିଶୁ ମନ୍ଦିରର ଶିକ୍ଷାକୁ ନେଇ ପ୍ରଶ୍ନ ଉଠାଇବା ପରେ ଏହାକୁ ନେଇ ବିରୋଧ ତୀବ୍ର ହୋଇଛି |
Sambad is now on WhatsApp
Join and get latest news updates delivered to you via WhatsApp
ଦିଗବିଜୟଙ୍କ ବୟାନକୁ ନେଇ ବିଜେପିର ସାଧାରଣ ସମ୍ପାଦକ କୈଳାସ ବିଜୟଭର୍ଗିୟ ଟାର୍ଗେଟ କରିଥିବାବେଳେ ଏବେ ମଧ୍ୟପ୍ରଦେଶର ବିଜେପି ବିଧାୟକ ରମେଶ୍ୱର ଶର୍ମା ମଧ୍ୟ କଡା ଜବାବ ଦେଇଛନ୍ତି | ସେ କହିଛନ୍ତି ଯେ, ମଦ୍ରାସାରେ ଦେଶ ବିରୋଧରେ ଷଡଯନ୍ତ୍ର ଚାଲିଛି। କେବଳ ଏତିକି ନୁହେଁ, ରାମେଶ୍ୱର ଶର୍ମା କହିଛନ୍ତି, ଦିଗବିଜୟ ପାକିସ୍ତାନର ଭାଷା କହୁଛନ୍ତି।
ସେହିପରି ଛାତ୍ରଛାତ୍ରୀମାନେ ମଧ୍ୟ ବ୍ୟାଙ୍କ ବିରୋଧ କରିଛନ୍ତି | “ଦିଗବିଜୟ ଅଙ୍କଲ ମୁଁ ସରସ୍ୱତୀ ଶିଶୁ ମନ୍ଦିରର ଛାତ୍ର, ମୁଁ ଆତଙ୍କବାଦୀ ନୁହେଁ’ କିଛି ଏଭଳି ଲେଖାଥିବା ପୋଷ୍ଟର ଛାତ୍ରଛାତ୍ରୀମାନେ ପ୍ରଦର୍ଶିତ କରିଥିଲେ | ସୂଚନା ଥାଉ କି ଯେ ଦିଗବିଜୟ, ସରସ୍ୱତୀ ଶିଶୁ ମନ୍ଦିର ବାବଦରେ କହିଥିଲେ ଯେ, ଏହା ଏଭଳି ଏକ ଶିକ୍ଷାନୁଷ୍ଠାନ ଯେଉଁଠାରେ ପିଲାମାନଙ୍କୁ ପିଲାବେଳୁ ଅନ୍ୟ ଧର୍ମ ବିରୋଧରେ ଘୃଣା କରିବାର ମଞ୍ଜି ପୋତିଦିଆଯାଏ |