ଭୁବନେଶ୍ୱର: ଅନଲାଇନ ସପିଙ୍ଗ କରିବା ଏବେ ଯେତିକି ସହଜ ହୋଇଯାଇଛି ସେତିକି ସମସ୍ୟା ମଧ୍ୟ ସୃଷ୍ଟି କରିଛି | କାରଣ ଅନଲାଇନ ସପିଙ୍ଗ ମାଧ୍ୟମରେ ନକଲି ଜିନିଷ ମଧ୍ୟ ଡେଲିଭରି ହେବାରେ ଲାଗିଛି | କିନ୍ତୁ ଖୁବ ଶୀଘ୍ର ଏଭଳି ସମସ୍ୟାରୁ ଗ୍ରାହକଙ୍କୁ ମୁକ୍ତି ମିଳିପାରେ | ପ୍ରକୃତରେ ୨୦୨୦ ମସିହା ସୁଦ୍ଧା ଦେଶକୁ ପ୍ରଥମ ଡିଜିଟାଲ ମଲ ମିଳିବାକୁ ଯାଉଛି | ଏହି ଡିଜିଟାଲ ମଲ ମାଧ୍ୟମରେ ଜଣେ ଚାହିଁଲେ ମୋବାଇଲ, ଲାପଟପ ମାଧ୍ୟମରେ ବୁଲି ବୁଲି କିଣାକିଣି କରିପାରିବେ |
Sambad is now on WhatsApp
Join and get latest news updates delivered to you via WhatsApp
କିଭଳି କାମ କରିବ ଅନଲାଇନ ମଲ
ଯେଭଳି ଆପଣ ମଲରେ ବୁଲି ବୁଲି କୌଣସି ଜିନିଷ କିଣୁଛନ୍ତି, ଠିକ ସେହିପରି ଡିଜିଟାଲ ମଲରେ ଥିବା ସେହି ସାମଗ୍ରୀର ବ୍ରାଣ୍ଡ ଆଉଟଲେଟରେ ଆପଣ ଉକ୍ତ ସାମଗ୍ରୀକୁ ପସନ୍ଦ କରିପାରିବେ | ସେଠାରେ ଲାଗିଥିବା ସିଷ୍ଟମରେ ଆପଣଙ୍କ ପସନ୍ଦ ଜିନିଷକୁ ଏଣ୍ଟର କରିବାକୁ ପଡିବ |
କେଉଁଠାରେ ଖୋଲିବ ?
ଭାରତରେ ପ୍ରଥମେ ଏହି ଡିଜିଟାଲ ମଲ ଦିଲ୍ଲୀ-ଏନସିଆରରେ ଖୋଲିବ | ଏହା ପରେ ଲଖନଉ, ଭୁବନେଶ୍ୱର, ମାଙ୍ଗଲୋର, ମୁମ୍ବାଇ, ବାଙ୍ଗାଲୋର, ଚେନ୍ନାଇ, ହାଇଦ୍ରାବାଦରେ ଏହି ମଲ ଖୋଲିବାର ଯୋଜନା ରହିଛି | ଭାରତ ଛଡା ଡିଜିଟାଲ ମଲ ଚୀନ, ଜାପାନ, ଦକ୍ଷିଣ କୋରିଆ, ସିଙ୍ଗାପୁର, ମାଲେସିଆ, ଥାଇଲାଣ୍ଡ ଓ ଇଣ୍ଡୋନେସିଆରେ ବି ଖୋଲିବ |