ଲାଡେନକୁ ଶ୍ରେଷ୍ଠ ଇଂଜିନିୟର କହି ଅଫିସରେ ଲଗାଇଲେ ଫଟୋ, ଗଲା ଏସଡିଓଙ୍କ ଚାକିରି
ଲଖନଉ: ଆତଙ୍କବାଦୀ ଓସାମା ବିନ୍ ଲାଡେନକୁ ଶ୍ରେଷ୍ଠ ଇଂଜିନିୟର କହି ଅଫିସରେ ଲଗାଇଲେ ଫଟୋ | ଆଉ ଲାଡେନକୁ ଶ୍ରେଷ୍ଠ ଇଞ୍ଜିନିୟର ବୋଲି ଅଭିହିତ କରିଥିବାରୁ ଗଲା ଚାକିରି | ଉତ୍ତରପ୍ରଦେଶରେ ଏଭଳି ଏକ ଘଟଣା ସାମ୍ନାକୁ ଆସିଛି |ମିଳିଥିବା ସୂଚନା ମୁତାବକ ଉତ୍ତରପ୍ରଦେଶର ବିଦ୍ୟୁତ୍ ବିଭାଗରେ ଚାକିରି କରୁଥିବା ଜଣେ ସବ୍-ଡିଭିଜନାଲ ଅଫିସର (ଏସଡିଓ)ଙ୍କୁ ଚାକିରିରୁ ବରଖାସ୍ତ କରାଯାଇଛି । ଉତ୍ତରପ୍ରଦେଶ ପାୱାର କର୍ପୋରେସନ ଲିମିଟେଡ (ୟୁପିପିସିଏଲ) ଅଧ୍ୟକ୍ଷ ଏମ ଦେବରାଜ ବିଭାଗୀୟ ଏସଡିଓ ରବିନ୍ଦ୍ର ପ୍ରକାଶ ଗୌତମଙ୍କୁ ଚାକିରିରୁ ବରଖାସ୍ତ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ୟୁପିପିସିଏଲ ଅଧ୍ୟକ୍ଷ ଏମ ଦେବରାଜ କହିଛନ୍ତି ଯେ ଅନୁସନ୍ଧାନରୁ ଏହା ଜଣାପଡିଛି ଯେ ଏସଡିଓ ଆତଙ୍କବାଦୀ ଓସାମା ବିନ୍ ଲାଡେନର ଫଟୋ ନିଜ କାର୍ଯ୍ୟାଳୟରେ ଲଗାଇବା ସହ ତାଙ୍କୁ ଶ୍ରେଷ୍ଠ ଇଞ୍ଜିନିୟର ଭାବରେ ବର୍ଣ୍ଣନା କରିଥିଲେ । ଆଉ ଏନେଇ ଅଭିଯୋଗ ଆସିବା ପରେ ତଦନ୍ତ କରାଯାଇଥିଲା | ଶେଷରେ ଅଭିଯୋଗରେ ସତ୍ୟତା ଥିବାର ଜଣାପଡିବା ପରେ ଆଜି ତାଙ୍କୁ ବରଖାସ୍ତ କରାଯାଇଛି । ୟୁପିପିସିଏଲ୍ ଅଧ୍ୟକ୍ଷ ଏମ ଦେବରାଜ କହିଛନ୍ତି ଯେ ଓସାମା ବିନ୍ ଲାଦେନଙ୍କ ଫଟୋକୁ କାର୍ଯ୍ୟାଳୟରେ ଲଗାଇବା ଦ୍ୱାରା ଗୌତମ ଦେଶ ତଥା ନିଗମର ନିୟମ ବିରୁଦ୍ଧରେ ଏକ କାର୍ଯ୍ୟ କରିଛନ୍ତି, ଯେଉଁଥିପାଇଁ ବିଭାଗର ଭାବମୂର୍ତ୍ତି କ୍ଷୁର୍ଣ୍ଣ ହୋଇଛି | ତେଣୁ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି |