ଏଥର ବାହାର ଲୋକଙ୍କ ସହ ଡିଜ୍‌ନି + ହଷ୍ଟଷ୍ଟାରର ପାସୱାର୍ଡ ସେୟାର କଲେ ଦେବାକୁ ହେବ ଟଙ୍କା

ନୂଆଦିଲ୍ଲୀ: ଆଜିକାଲି ପ୍ରାୟ ସମସ୍ତଙ୍କର ଓଟିଟି ବ୍ୟବହାର କରିବା ଏକ ସଉକ ହୋଇଗଲାଣି। ଓଟିଟି ବ୍ୟବହାରକାରୀଙ୍କ ସଂଖ୍ୟା ଦିନକୁ ଦିନ ବଢ଼ି ବଢ଼ି ଚାଲିଥିବା ବେଳେ କମ୍ପାନି ମଧ୍ୟ ନୂଆ ନିୟମ ସବୁ ବାହର କରୁଛି।

ଏଣିକି ଓଟିଟି ପ୍ଲାଟ୍‌ଫର୍ମର ପାସ୍‌ୱାର୍ଡକୁ ଅନ୍ୟ କାହା ସହ ସେୟାର କଲେ ଦେବାକୁ ପଡ଼ିବ ଦେୟ।  କିଛି ଦିନ ପୂର୍ବରୁ ନେଟଫ୍ଲିକ୍ସ ପାସୱାର୍ଡ ଅଂଶୀଦାର ଉପରେ ନିଷେଧାଦେଶ ଘୋଷଣା କରିଥିଲା। ବର୍ତ୍ତମାନ ଡିଜ୍‌ନି + ହଷ୍ଟଷ୍ଟାର ଦ୍ୱାରା ମଧ୍ୟ ସମାନ କାର୍ଯ୍ୟ କରିବାକୁ ଯାଉଛି। ଏହାର ଅର୍ଥ ବର୍ତ୍ତମାନ ଆପଣ ଏହା ଉପରେ ପାସୱାର୍ଡ ମଧ୍ୟ ଅଂଶୀଦାର କରିବାକୁ ସମର୍ଥ ହେବେ ନାହିଁ।

ଗତ ବର୍ଷ ଏହି ସୂଚନା ଦେବାବେଳେ ଡିସ୍ନି ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ବବ୍ ଆଇଗର୍ ଏକ ସୂଚନା ଦେଇଥିଲେ। ସେ କହିଥିଲେ ଯେ ଘର ବାହାରେ ପାସୱାର୍ଡ ବାଣ୍ଟିବା ନେଇ ଆମେ ନୂଆ ପଦକ୍ଷେପ ନେଇପାରିବୁ। କିନ୍ତୁ ବର୍ତ୍ତମାନ ଏହି ଖବର ନିଶ୍ଚିତ ହୋଇଛି।
ବର୍ତ୍ତମାନ ଏହା ପରେ, ଡିଜ୍‌ନି + ହଟଷ୍ଟାର ଦ୍ୱାରା ପାସୱାର୍ଡ ଅଂଶୀଦାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କଳ୍ପନାଜଳ୍ପନା ଚାଲିଛି।  ଏହାର ଅର୍ଥ ହେଉଛି ବର୍ତ୍ତମାନ ଆପଣ କେବଳ ପରିବାର ସଦସ୍ୟଙ୍କ ମଧ୍ୟରେ ପାସୱାର୍ଡ ଅଂଶୀଦାର କରିବାକୁ ସମର୍ଥ ହେବେ।  ଯଦି ଆପଣ ଏହା ବାହାରେ ପାସୱାର୍ଡ ଅଂଶୀଦାର କରନ୍ତି, ତେବେ ଏହିପରି ବ୍ୟବହାରକାରୀଙ୍କ ଆକାଉଣ୍ଟ ସ୍ଥଗିତ ରହିବ।

କମ୍ପାନୀ ଦ୍ୱାରା ଏହା ସ୍ପଷ୍ଟ ହୋଇଛି ଯେ ପାସୱାର୍ଡ ବଣ୍ଟନ ଉପରେ ପ୍ରତିବନ୍ଧକ ଲଗାଯାଉଛି। ଏପରି ପରିସ୍ଥିତିରେ, ଯେଉଁ ଉପଭୋକ୍ତାମାନେ ଗୋଟିଏ ଘରର ନୁହଁନ୍ତି, ସେମାନେ ପାସୱାର୍ଡ ଅଂଶୀଦାର କରିପାରିବେ ନାହିଁ।