ନୂଆଦିଲ୍ଲୀ: ବଲିଉଡ ଅଭିନେତ୍ରୀ ଦିବ୍ୟା ଦତ୍ତା ନିକଟରେ ତାଙ୍କ ଅଫିସିଆଲ ଆକାଉଣ୍ଟରେ ଏକ ଭିଡିଓ ପୋଷ୍ଟ କରିଥିଲେ। ଏହି ପୋଷ୍ଟରେ ବିନା ସୂଚନାରେ ସେ ଯାତ୍ରା କରିବାକୁ ଥିବା ବିମାନକୁ ବାତିଲ କରାଯିବା ଘଟଣାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି। 

Advertisment

ଦିବ୍ୟା ବିମାନବନ୍ଦରର ଏକ ଖାଲିସ୍ଥାନର ଭିଡିଓ ସେୟାର କରି ଲେଖିଛନ୍ତି,‘ ଇଣ୍ଡିଗୋ.୬ଇ! ସକାଳେ ବହୁତ ଭୟାନକ ଅନୁଭୂତି ପାଇଁ ଧନ୍ୟବାଦ। ବାତିଲ ହୋଇଥିବା ବିମାନ ବିଷୟରେ କୌଣସି ସୂଚନା ନାହିଁ। ମୁଁ ବାତିଲ ହୋଇଥିବା ଏକ ବିମାନ ପାଇଁ ଚେକଇନ କରୁଛି। ଫାଟକରେ ଉଡ଼ାଣ ଘୋଷଣା ଶୁଣାଇ ଦେଉଛି। ସାହାଯ୍ୟ ପାଇଁ କୌଣସି କର୍ମଚାରୀ ନାହାନ୍ତି। ବାହାରକୁ ବାହାରିବା ପାଇଁ ଗେଟରେ ମୋତେ ସମସ୍ୟା ହୋଇଥିଲା। ଯାହାକି ମୋ ସୁଟିଂରେ ବାଧା ସୃଷ୍ଟି କରିଥିଲା। ଏହି ଘଟଣା ମୋତେ ଆଘାତ ପହଞ୍ଚାଇଛି। ଇଣ୍ଡିଗୋ ଏୟାରଲାଇନ୍ସ କୌଣସି ଯାତ୍ରୀଙ୍କ ସହିତ ଏମିତି ଘଟଣା ନଘଟାଉ ଏତିକି ମୋର ଅନୁରୋଧ।

ଦିବ୍ୟା ଦତ୍ତାଙ୍କ ଏହି ପୋଷ୍ଟକୁ ଦେଖିବା ପରେ ସୋସିଆଲ ମିଡିଆ ବ୍ୟବହାରକାରୀମାନେ ପ୍ରତିକ୍ରିୟା ଦେଇ କହିଛନ୍ତି, ‘ଆମ ସହିତ ବି ଏମିତି ଘଟଣା ଘଟିଛି। ଦୁଇଦିନ ତଳେ ମୋ ମା’ ଯାତ୍ରା କରିବାକୁ ଥିବା ବାତିଲ ହୋଇଥିବା ସମ୍ପର୍କରେ କୌଣସି ସୂଚନା ଦିଆଯାଇ ନଥିଲା। ଆମେ ଯେତେବେଳେ ବିମାନବନ୍ଦରରେ ପହଞ୍ଚିଥିଲୁ କର୍ମଚାରୀଙ୍କ ସହିତ ଅନେକ ବିତର୍କ ହୋଇଥିଲା। ତା’ପରେ ଯାଇ ସେମାନେ କହିଥିଲେ ମା’ ଯାତ୍ରା କରିବାକୁ ଥିବା ବିମାନକୁ ବାତିଲ କରାଯାଇଛି।

 ଦିବ୍ୟା ସଲମାନଙ୍କ ଖାନଙ୍କ ଜଣେ ବଡ଼ ଫ୍ୟାନ। ଦିବ୍ୟା ଦତ୍ତା ୧୯୯୫ ଫିଲ୍ମ ‘ବୀରଗତି’ରେ ସଲମାନଙ୍କ ଭଉଣୀ ଭୂମିକାରେ ଅଭିନୟ କରିଥିଲେ। ୨୦୦୩ରେ ଫିଲ୍ମ ‘ଭଗବାନ’ରେ ଦିବ୍ୟା ଏବଂ ସଲମାନ ମଧ୍ୟ ଏକାଠି ଅଭିନୟ କରିଥିବାର ନଜର ଆସିଥିଲେ। ଭଗବାନ  ଫିଲ୍ମରେ ଦିବ୍ୟା ସଲମାନଙ୍କ ଭାଉଜ ଭୂମିକାରେ ଅଭିନୟ କରିଥିଲେ। ଏହି ଫିଲ୍ମରେ ହେମାମାଳିନୀ ଏବଂ ଅମିତାଭ ବଚ୍ଚନ ମୁଖ୍ୟ ଭୂମିକାରେ ଥିଲେ।