ନୂଆଦିଲ୍ଲୀ: ଗତକାଲି ଉତ୍ତରପ୍ରଦେଶରେ ଏକ ବଡ଼ ଧରଣର ଆତଙ୍କବାଦୀ ଆକ୍ରମଣ ଯୋଜନା ପଣ୍ଡ ହୋଇଥିଲା | ଉତ୍ତରପ୍ରଦେଶ ଏଟିଏସ୍ (ଆତଙ୍କବାଦୀ ନିରୋଧ ସ୍କ୍ବାଡ୍) ଲକ୍ଷ୍ନୌରେ ଚଢ଼ଉ କରି ଅଲ୍ କାଏଦାର ଏକ ଶାଖା ସଂଗଠନର ପର୍ଦ୍ଦାଫାସ କରିଥିଲା। ଏଟିଏସ୍ ଚଢ଼ଉ କରିଥିବା ଘରେ ୭ ଜଣ ରହୁଥିଲେ। ତେବେ ସେମାନଙ୍କ ମଧ୍ୟରୁ ୫ ଜଣ ଖସି ପଳାଇବାରେ ସଫଳ ହୋଇଥିବା ବେଳେ ୨ ଜଣଙ୍କୁ ୟୁପି ଏଟିଏସ୍ ଗିରଫ କରିଛି। ପଚରାଉଚରା ପରେ ୨ଗିରଫ ଆତଙ୍କବାଦୀ ୩,୦୦୦ଟଙ୍କା ପାଇଁ କୁକର ବୋମା ତିଆରି କରୁଥିବା କଥା କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ପଚରାଉଚରା ବେଳେ ଦୁହେଁ ପ୍ରକାଶ କରିଛନ୍ତି ଯେ, ସେମାନେ ପ୍ରକୃତରେ ଅଲ କାଏଦା ସହ ଯୋଗାଯୋଗରେ ଥିଲେ ଏବଂ ଆତଙ୍କବାଦୀ ସଂଗଠନ ସେମାନଙ୍କ ସହ ଇଣ୍ଟରନେଟ ଜରିଆରେ ସମ୍ପର୍କ କରିଥିଲେ । ସେମାନେ ଅଲ କାଏଦା ଅପରେଟିଭଙ୍କ ନିର୍ଦ୍ଦେଶରେ ଏହି ବୋମା ତିଆରି କରୁଥିଲେ ବୋଲି ସ୍ୱୀକାର କରିଛନ୍ତି |
“ଅଲ କାଏଦା ସହିତ ଦୁହିଁଙ୍କ ସମ୍ପର୍କ ଥିବା ନିଶ୍ଚିତ ହୋଇଛି। ଏହା ଆମ ପାଇଁ ଏକ ବଡ ଆହ୍ୱାନ | ଏସବୁର ମୁକାବିଲା ପାଇଁ ଇଣ୍ଟେଲିଜେନ୍ସ ଏଜେନ୍ସି ଏବଂ ଏଟିଏସକୁ ଅଧିକ ଶକ୍ତି ଏବଂ ଅସ୍ତ୍ର ଦିଆଯିବ ବୋଲି ଏସିଏସ୍ ହୋମ୍ ଅବନିଶ ଅବସ୍ତି କହିଛନ୍ତି।