ଚେନ୍ନାଇ: ତାମିଲନାଡ଼ୁର ଏକ ଡାକ୍ତରଖାନାରେ ଜନୈକା ନାବାଳିକାଙ୍କୁ ଯୌନ ନିର୍ଯାତନା ଦେବା ଅଭିଯୋଗରେ ସଂପୃକ୍ତ ଡାକ୍ତରଖାନାର ଜଣେ ଡାକ୍ତର ଓ ମ୍ୟାନେଜରଙ୍କୁ ପୁଲିସ୍ ଗିରଫ କରିଛି। ଡାକ୍ତରଖାନାରେ ଜଣେ ୧୭ ବର୍ଷୀୟା ନାବାଳିକାକୁ ଯୌନ ନିର୍ଯାତନା ଦେଇଥିବା ଅଭିଯୋଗରେ ତାମିଲନାଡୁର କାରୁରରେ ଜଣେ ଡାକ୍ତର ଏବଂ ଜଣେ ମ୍ୟାନେଜରଙ୍କୁ ପୁଲିସ ଗିରଫ କରିଛି। କାରୁରର ଜିସି ହସ୍ପିଟାଲରେ କାର୍ଯ୍ୟ କରୁଥିବା ଜଣେ ଅସ୍ଥିଶଲ୍ୟ ଡାକ୍ତର ରଜନୀକାନ୍ତ ଡାକ୍ତରଖାନାର ଜଣେ ମହିଳା କର୍ମଚାରୀଙ୍କ ଝିଅକୁ ଯୌନ ଉତ୍ପୀଡ଼ନ କରିଥିବା ଅଭିଯୋଗ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଡାକ୍ତରଖାନାର ଆକାଉଣ୍ଟସ୍ ବିଭାଗରେ କାମ କରୁଥିବା ଜଣେ ୩୭ ବର୍ଷୀୟା ମହିଳା ନଭେମ୍ବର ୧୩ରେ ଅଭିଯୋଗ କରିଥିଲେ ଯେ ତାଙ୍କ ଝିଅକୁ ସଂପୃକ୍ତ ଡାକ୍ତର ଯୌନ ଉତ୍ପୀଡ଼ନ କରିଥିଲେ। ଅଭିଯୋଗରେ ଏହା ମଧ୍ୟ ଦର୍ଶାଯାଇ ଥିଲା ଯେ ନାବାଳିକା ଝିଅକୁ ଡାକ୍ତରଖାନାର ମ୍ୟାନେଜର ସାରାଭାନନ ଡାକ୍ତରଙ୍କ ନିକଟକୁ ନେଇଥିଲେ।
ଆକାଉଣ୍ଟ ବିଭାଗରେ କାମ କରୁଥିବା ଏହି ୩୭ ବର୍ଷୀୟା ମହିଳା ନଭେମ୍ବର ୧୩ରେ କରୁର ଅଲ-ଓମେନ୍ ପୁଲିସ ଷ୍ଟେସନରେ ଅଭିଯୋଗ କରିଥିଲେ ଯେ ତାଙ୍କ ଝିଅକୁ ଡକ୍ଟର ରଜନୀକାନ୍ତ ଯୌନ ଉତ୍ପୀଡ଼ନ କରିଥିଲେ। ଅଭିଯୋଗରେ ଏହା ମଧ୍ୟ ଦର୍ଶାଯାଇଛି ଯେ ଝିଅକୁ ଡାକ୍ତରଖାନାର ମ୍ୟାନେଜର ସାରାଭାନନ ଡାକ୍ତରଙ୍କ ନିକଟକୁ ନେଇଥିଲେ।
ତଦନ୍ତ ଆଧାରରେ ପୁଲିସ ଡକ୍ଟର ରାଜନୀକାନ୍ତ ଏବଂ ସରଭାନନଙ୍କ ବିରୋଧରେ ଯୌନ ଅପରାଧରୁ ଶିଶୁସୁରକ୍ଷା (ପୋକ୍ସୋ) ଆଇନ ଅନୁଯାୟୀ ଏକ ମାମଲା ଦାୟର କରିଛିଯ। ସରବନନଙ୍କୁ ପୁଲିସ ତୁରନ୍ତ ଧରିଥିବାବେଳେ ଡକ୍ଟର ରଜନୀକାନ୍ତ ଫେରାର ହୋଇ ଯାଇଥିଲେ। େବେ, ତାଙ୍କ ଠିକଣା ବିଷୟରେ ଏକ ସୂଚନା ଆଧାରରେ, ଡକ୍ଟର ରାଜନୀକାନ୍ତଙ୍କୁ ପରେ ଗିରଫ କରାଯାଇଥିଲା। ଉଭୟଙ୍କୁ ୧୫ ଦିନ ପାଇଁ କାରୁର ଜେଲକୁ ପଠାଇ ଦିଆଯାଇଛି।