କାବୁଲ ଆକ୍ରମଣ ପରେ ଆମେରିକା-ତାଲିବାନ ଶାନ୍ତି ଆଲୋଚନା ପ୍ରତ୍ୟାହାର କଲେ ଡୋନାଲ୍‌ଡ୍‌ ଟ୍ରମ୍ପ୍‌

ଓ୍ଵାସିଂଟନ୍‌: ତାଲିବାନ ସହ ଶାନ୍ତି ଆଲୋଚନା ରଦ୍ଦ କରିଥିବା କଥା ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଡୋନାଲ୍‌ଡ୍‌ ଟ୍ରମ୍ପ୍‌ କହିଛନ୍ତି। କେତେଗୁଡ଼ିଏ ଟୁଇଟ୍‌ରେ ଟ୍ରମ୍ପ୍‌ କହିଛନ୍ତି, ରବିବାର ଦିନ କ୍ୟାମ୍ପ୍‌ ଡେଭିଡ୍‌ ଠାରେ ବରିଷ୍ଠ ତାଲିବାନ୍‌ ନେତାମାନଙ୍କୁ ଭେଟିବାର କାର୍ଯ୍ୟକ୍ରମ ରହିଛି।

ଶନିବାର ଦିନ ବିବିସି ରିପୋର୍ଟ କରିଛି ଯେ କାବୁଲରେ ଯେଉଁ ଆକ୍ରମଣରେ ଯୁକ୍ତରାଷ୍ଟ୍ର ଆମେରିକାର ସୈନିକମାନେ ନିହତ ହୋଇଥିଲେ ସେଥିପାଇଁ ଏକ ସଙ୍ଗଠନ ନିଜକୁ ଦାୟୀ କରିବା ପରେ ଟ୍ରମ୍ପ୍‌ ସେ ବୈଠକକୁ ରଦ୍ଦ କରିବା ସହ ଚୁକ୍ତି ପ୍ରତ୍ୟାହାର କରି ନେଇଛନ୍ତି।

ଯୁକ୍ତରାଷ୍ଟ୍ର ଆମେରିକାର ମଧ୍ୟସ୍ଥ ଜାଲ୍‌ମେ ଖଲିଲ୍‌ଜାଦ୍‌ ଘୋଷଣା କରିଥିଲେ ଯେ ନୀତି ଅନୁଯାୟୀ ତାଲିବାନ ସହ ସୋମବାର ଦିନ ଶାନ୍ତି ଆଲୋଚନା ହେବ।

ପ୍ରସ୍ତାବିତ ଚୁକ୍ତି ଅନୁସାରେ ଯୁକ୍ତରାଷ୍ଟ୍ର ଆମେରିକା ୨୦ ସପ୍ତାହ ମଧ୍ୟରେ ଆଫଗାନିସ୍ତାନରୁ ୫, ୪୦୦ ସୈନ୍ୟ ପ୍ରତ୍ୟାହାର କରିଥାଆନ୍ତା। କିନ୍ତୁ, ଖଲିଲ୍‌ଜାଦ୍‌ କହିଛନ୍ତି ଚୂଡ଼ାନ୍ତ ଅନୁମୋଦନ ଟ୍ରମ୍ପ୍‌ଙ୍କ ଉପରେ ନିର୍ଭର କରୁଛି।

ସମ୍ପ୍ରତି ଆଫଗାନିସ୍ତାନରେ ଆମେରିକାର ପ୍ରାୟ ୧୪, ୦୦୦ ସୈନିକ ଅଛନ୍ତି।