ହ୍ଵାଇଟହାଉସକୁ ଫେରିଲେ କରୋନା ସଂକ୍ରମିତ ହୋଇଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ
ଓ୍ଵାସିଂଟନ : କରୋନା ସଂକ୍ରମିତ ହୋଇ ଓ୍ଵାଲଟର ରିଡ୍ ଜାତୀୟ ସାମରିକ ହସପିଟାଲରେ ଗତ ୪ ଦିନ ଧରି ଚିକିତ୍ସିତ ହେଉଥିବା ଆମେରିକା ରାଷ୍ଟ୍ରପତି ଡୋନାଲ୍ଟ ଟ୍ରମ୍ପ ହ୍ଵାଇଟ ହାଉସ ଫେରିଆସିଛନ୍ତି । ତେବେ ଏବେ ବି ସେ ସଂପୂର୍ଣ୍ଣଭାବେ ସଂକ୍ରମଣମୁକ୍ତ ହୋଇନଥିବା ସତ୍ତ୍ୱେ ନିଜ ମୁହଁରୁ ମାସ୍କ ଖୋଲିଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ହସପିଟାଲରୁ ଫେରିବା ପରେ ଏକ ଭିଡିଓ ବାର୍ତ୍ତା ଜାରି କରି ସେ କହିଛନ୍ତି ଯେ କରୋନାକୁ ନେଇ ଆମେରିକାବାସୀ ସତର୍କ ରୁହନ୍ତୁ, କିନ୍ତୁ ଏହାକୁ ଡରନ୍ତୁ ନାହିଁ, ଏହାକୁ ନିଜ ଜୀବନ ଉପରେ ପ୍ରଭାବ ବିସ୍ତାର କରିବାକୁ ଦିଅନ୍ତୁ ନାହିଁ । ସେ ଆହୁରି ମଧ୍ୟ କହିଛନ୍ତି, “ମୁଁ ଏବେ ସୁସ୍ଥ ଅନୁଭବ କରୁଛି, ବୋଧହୁଏ ମୋର ପ୍ରତିରୋଧକଶକ୍ତି ଆସିଯାଇଛି, ମୁଁ ଠିକଭାବେ ଜାଣିନାହିଁ “।
— Donald J. Trump (@realDonaldTrump) October 5, 2020
ଟ୍ରମ୍ପଙ୍କୁ ଚିକିତ୍ସା କରୁଥିବା ଡାକ୍ତରୀ ଦଳ ପକ୍ଷରୁ କୁହାଯାଇଛି ଯେ ଟ୍ରମ୍ପ ଏପର୍ଯ୍ୟନ୍ତ ସମ୍ପୂର୍ଣ୍ଣ ସଂକ୍ରମଣମୁକ୍ତ ହୋଇନାହାନ୍ତି । ତାଙ୍କ ଉପରୁ ବିପଦ ହଟିନି। କିନ୍ତୁ ସେ ଘରକୁ ଯିବା ପାଇଁ ଯୋଗ୍ୟ ହୋଇଯାଇଛନ୍ତି । ତାଙ୍କର ଅମ୍ଳଜାନ ସ୍ତର ସ୍ୱାଭାବିକ ରହିଛି । ତାଙ୍କୁ ଦିଆଯାଉଥିବା ରାମଡେସଭିରର ୫ମ ଡୋଜ ତାଙ୍କୁ ହ୍ଵାଇଟ ହାଉସରେ ଦିଆଯିବ ।
ହ୍ଵାଇଟହାଉସ ଫେରିବା ପରେ ଟ୍ରମ୍ପ ଆସନ୍ତା ୧୫ ତାରିଖରେ ମାୟାମିଠାରେ ଅନୁଷ୍ଠିତ ହେବାକୁ ଥିବା ରାଷ୍ଟ୍ରପତିସ୍ତରୀୟ ବିତର୍କରେ ଭାଗନେବେ ।