ଅଧିକ ଆକ୍ରାନ୍ତ ଚିହ୍ନଟ ହେଉଥିବାରୁ ମୁଁ ପରୀକ୍ଷା ହାର କମ କରିବା ପାଇଁ ସ୍ୱାସ୍ଥ୍ୟ ଅଧିକାରୀଙ୍କୁ କହିଥିଲି: ରାଷ୍ଟ୍ରପତି ଟ୍ରମ୍ପ
ନୂଆଦିଲ୍ଲୀ: ମୁଁ ମୋ ପ୍ରଶାସନର ସ୍ୱାସ୍ଥ୍ୟ ଅଧିକାରୀଙ୍କୁ କୋଭିଡ -୧୯ ଚିହ୍ନଟ ପାଇଁ ହେଉଥିବା ପରୀକ୍ଷାକୁ ମନ୍ଥର କରିବାକୁ ଅନୁରୋଧ କରିଥିଲି | ଅଧିକ ପରୀକ୍ଷା ହେବା ଦ୍ୱାରା ଅଧିକ ଆକ୍ରାନ୍ତ ଚିହ୍ନଟ ହେଉଥିବାରୁ ମୁଁ ପରୀକ୍ଷା ହାର କମାଇବା ପାଇଁ କହିଥିଲି | ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶନିବାର ଦିନ ଓକଲାହୋମାର ତୁଲସାରେ ଏକ ନିର୍ବାଚନ ରାଲିରେ ଯୋଗ ଦେଇ ଏଭଳି ଆଶ୍ଚଯ୍ୟ କଲା ଭଳି ମନ୍ତବ୍ୟ ଦେଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆସନ୍ତା ନଭେମ୍ବରରେ ନିର୍ବାଚନ ହେବାକୁ ଥିବା ବେଳେ ଶନିବାର ଏକ ରାଲିରେ ଯୋଗ ଦେଇଥିଲେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ | ଉପସ୍ଥିତ ଥିବା ଜନତାଙ୍କୁ ସମ୍ବୋଧନ କରି ରାଷ୍ଟ୍ରପତି ଟ୍ରମ୍ପ କହିଥିଲେ ଯେ, କୋଭିଡ -୧୯ ପରୀକ୍ଷା ହେଉଛି ‘ଦୁଇ ଧାରିଆ ଖଣ୍ଡା’ | ଯେତେବେଳେ ଆପଣ ଅଧିକରୁ ଅଧିକ ପରୀକ୍ଷା କରନ୍ତି, ସେତେବେଳେ ଅଧିକରୁ ଅଧିକ ଆକ୍ରାନ୍ତ ଚିହ୍ନଟ ହୋଇଥାନ୍ତି | ତେଣୁ ମୁଁ ମୋର ସ୍ୱାସ୍ଥ୍ୟ ଅଧିକାରୀଙ୍କୁ ପରୀକ୍ଷା ହାର ମନ୍ଥର କରିବାକୁ କହିଥିଲି | ତେବେ ଟ୍ରମ୍ପଙ୍କ ଏଭଳି କଥା ଶୁଣି ସେ ଏହି କଥା ଥଟା କରି କହୁଥିଲେ ନାଁ ନିଜ କଥାକୁ ନେଇ ଗମ୍ଭୀର ଥିଲେ ତାହା ସ୍ପଷ୍ଟ ହୋଇପାରିନଥିଲା |
ତେବେ ହ୍ୱାଇଟ ହାଉସର ଜଣେ ଅଧିକାରୀଙ୍କ କହିବା ମୁତାବକ,ରାଷ୍ଟ୍ରପତି ଟ୍ରମ୍ପ ଉପହାସ କରି ସେଭଳି ମନ୍ତବ୍ୟ ଦେଇଥିଲେ | ଆମେ ପରୀକ୍ଷଣ କରିବାରେ ଅନ୍ୟ ଦେଶଠାରୁ ଆଗରେ ରହିଛୁ ଏବଂ ୨୫ ମିଲିୟନରୁ ଅଧିକ ପରୀକ୍ଷା କରିଥିବାରୁ ଆମେ ଗର୍ବିତ।