ବେଜିଂ: ସମଗ୍ର ବିଶ୍ୱରେ କରୋନାଭାଇରସ୍ ମହାମାରୀ ଲୋକମାନଙ୍କ ସାଧାରଣ ଜୀବନକୁ ବାଧା ଦେଇଛି। ମାରାତ୍ମକ ଭୂତାଣୁ ବିସ୍ତାରକୁ ନେଇ ଅନେକ ଦାବି ଏବଂ ଅନୁମାନ କରାଯାଇଥିଲା। ପ୍ରଥମେ ଏହି ଭୂତାଣୁ ଚୀନରେ ଚିହ୍ନଟ ହୋଇଥିବା ସହ ଊହାନ୍ ଭୂତାଣୁ ବିସ୍ତାରର କେନ୍ଦ୍ର ଭାବରେ ବିବେଚନା କରାଯାଇଥିଲା। ଏ ମଧ୍ୟର ଚୀନ୍ ପକ୍ଷରୁ ଏକ ନୂଆ ଦାବି କରାଯାଇଛି।
ଚୀନ କହିଛି ଯେ, ଊହାନ୍ ଭୂତାଣୁ ବିସ୍ତାରର କେନ୍ଦ୍ର ନୁହେଁ। ପ୍ରଥମେ କରୋନାଭାଇରସ୍ ବିଭିନ୍ନ ଦେଶରେ ବ୍ୟାପିବା ପରେ ଏହାକୁ ଚିହ୍ନଟ କରିବାରେ କେବଳ ଚୀନ୍ ସଫଳ ହୋଇଥିଲା। ଚୀନ ପ୍ରଥମେ ଭୂତାଣୁ ବିଷୟରେ ଜାଣି ବିଶ୍ବକୁ ସତର୍କ କରାଇଥିଲା। ଏହା ସହ ଚୀନର ମାଂସ ମାର୍କେଟରୁ ବାଦୁଡ଼ି ମାଧ୍ୟମରେ କରୋନା ଭୂତାଣୁ ବିସ୍ତାର ହେବା ତଥ୍ୟକୁ ମଧ୍ୟ ଚୀନ ଅସ୍ୱୀକାର କରିଛି।
/sambad/media/post_attachments/87b873947bb5cf847e71dc2555612223f2751386aa8c3e5406a9dc7e1ce77d51.jpg)
କରୋନା ମହାମାରୀ ପାଇଁ ଆମେରିକା ଚୀନ୍ କୁ ଦାୟୀ କରୁଥିବା ବେଳେ ସମସ୍ତ ଦାବିକୁ ଅସ୍ୱୀକାର କରିଛି ଚୀନ୍। ଗଣମାଧ୍ୟମର ରିପୋର୍ଟ ଅନୁଯାୟୀ, ଚୀନ୍ ବୈଦେଶିକ ମନ୍ତ୍ରାଳୟର ମୁଖପାତ୍ର ହୁଆ ଚୁନିଙ୍ଗ କହିଛନ୍ତି ଯେ, କରୋନା ଭାଇରସ୍ ହେଉଛି ଏକ ନୂତନ ପ୍ରକାରର ଭୂତାଣୁ ଏବଂ ଏହା ସହ ଜଡ଼ିତ ଅନେକ ତଥ୍ୟ ବର୍ତ୍ତମାନ ସାମ୍ନାକୁ ଆସୁଛି।