ଘୋଡା ଆଗରେ ଘୋଡ଼ାଗାଡ଼ି ରଖନ୍ତୁ ନାହିଁ: ଇଡିକୁ ଭର୍ତ୍ସନା କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ପିଏମଏଲଏ ମାମଲାରେ ସୁପ୍ରିମକୋର୍ଟ ଇଡି ଉପରେ ବଡ଼ ପ୍ରଶ୍ନ ଉଠାଇଛନ୍ତି। ସୁପ୍ରିମକୋର୍ଟ କହିଛନ୍ତି, ୫ ହଜାର ମାମଲା ମଧ୍ୟରୁ କେବଳ ୪୦ ଜଣଙ୍କୁ ଦଣ୍ଡ ଦିଆଯାଇଛି। ଇଡି ନିଜର ଗୁଣବର୍ତ୍ତା ଉପରେ ନଜର ରଖିବା ଆବଶ୍ୟକ। ଆପଣ କେବଳ ସାକ୍ଷୀଙ୍କ ସାକ୍ଷ୍ୟ ଉପରେ ନିର୍ଭର କରିପାରିବେ ନାହିଁ।

ଆପଣ ବୈଜ୍ଞାନିକ ପ୍ରମାଣ ସଂଗ୍ରହ କରିବା ମଧ୍ୟ ଉଚିତ୍। ଯେତେବେଳେ ଆପଣ ନିଜେ ପ୍ରମାଣ କରିପାରିବେ ନାହିଁ ଯେ କେହି ଦୋଷୀ, ତେବେ ଏହାକୁ ପ୍ରମାଣ କରିବାର ଭାର କ’ଣ ଅଭିଯୁକ୍ତଙ୍କ ଉପରେ ରହିବ କି ବୋଲି ଶୀର୍ଷକୋର୍ଟ ପ୍ରଶ୍ନ କରିଛନ୍ତି। ଏଭଳି କରି ଘୋଡା ଆଗରେ ଘୋଡ଼ାଗାଡି ରଖନ୍ତୁ ନାହିଁ।

ଛତିଶଗଡରେ କୋଇଲା ପରିବହନ ମାମଲାରେ ସୁପ୍ରିମକୋର୍ଟ ଅଭିଯୁକ୍ତଙ୍କ ମଧ୍ୟବର୍ତ୍ତୀକାଳୀନ ଜାମିନକୁ ନିୟମିତ ଜାମିନରେ ପରିଣତ କରିଛନ୍ତି। ସୁପ୍ରିମକୋର୍ଟ କହିଛନ୍ତି ଅଭିଯୁକ୍ତ ଜାମିନ ପାଇଁ ଏକ ମାମଲା ରୁଜୁ କରିଛନ୍ତି। ଏହି ମାମଲାର ଶୁଣାଣିରେ ସର୍ବୋଚ୍ଚ ନ୍ୟାୟାଳୟ ଛତିଶଗଡ ବ୍ୟବସାୟୀ ସୁନୀଲ କୁମାର ଅଗ୍ରୱାଲଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିଲେ।

କୋଇଲା ପରିବହନରେ ବେଆଇନ ଶୁଳ୍କ ସହ ଜଡିତ ଅର୍ଥ ହେରଫେର ମାମଲାରେ ତାଙ୍କୁ ଗିରଫ କରାଯାଇଥିଲା। କୋର୍ଟ କହିଛନ୍ତି ଯେ ସେ ପୂର୍ବରୁ ଏକ ବର୍ଷ ସାତ ମାସ ଜେଲଦଣ୍ଡ ଭୋଗିଛନ୍ତି। ଶୁଣାଣି ସମୟରେ ଜଷ୍ଟିସ ଉଜ୍ଜ୍ବଳ ଭୁୟାଁ ଇଡି ପକ୍ଷରୁ ହାଜର ହୋଇଥିବା ଏଏସଜି ଏସ.ଭି ରାଜୁଙ୍କୁ ପ୍ରଶ୍ନ କରିଥିଲେ ପଞ୍ଜୀକୃତ ୫୦୦୦ ମାମଲା ମଧ୍ୟରୁ ୪୦ଟି ମାମଲାରେ ଅଭିଯୁକ୍ତ ଦୋଷୀ ସାବ୍ୟସ୍ତ ହୋଇଛନ୍ତି। ବର୍ତ୍ତମାନ ଆପଣ କଳ୍ପନା କରିପାରିବେ କାର୍ଯ୍ୟ କିପରି ଚାଲିଛି।

ବେଞ୍ଚର ନେତୃତ୍ୱ ନେଉଥିବା ଜଷ୍ଟିସ ସୂର୍ଯ୍ୟ କାନ୍ତ କହିଛନ୍ତି ଆପଣଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର ଗୁଣବତ୍ତା ପ୍ରତି ଧ୍ୟାନ ଦେବା ଆବଶ୍ୟକ। ଏଗୁଡ଼ିକ ହେଉଛି ଗୁରୁତର ଅଭିଯୋଗ ଯାହା ଏହି ଦେଶର ଅର୍ଥନୀତିକୁ ବାଧା ଦେଉଛି। ଏଠାରେ ଆପଣ କିଛି ବ୍ୟକ୍ତିଙ୍କ ଦ୍ୱାରା ଦିଆଯାଇଥିବା ସାକ୍ଷ୍ୟ ଉପରେ ଗୁରୁତ୍ୱ ଦେଉଛନ୍ତି। ଏପରି ମୌଖିକ ପ୍ରମାଣ ସହିତ କ’ଣ ହେବ? ଆସନ୍ତାକାଲି ସେମାନେ ନିଜ ସାକ୍ଷ୍ୟରେ ରହିବେ ଅବା ଏହାକୁ ମିଛ କହି ଅନ୍ୟ କିଛି କହିବେ ତାହା ମଧ୍ୟ ଜଣାନାହିଁ। ତେଣୁ କିଛି ବୈଜ୍ଞାନିକ ପ୍ରମାଣ ରହିବା ଆବଶ୍ୟକ।

ଜଷ୍ଟିସ ଦୀପଙ୍କର ଦତ୍ତ କହିଛନ୍ତି, ଧାରା ୧୯ ଅନୁଯାୟୀ ଏହି ଗିରଫ ଆଦେଶ ସ୍ଥାୟୀ କି? ଆପଣ କହିପାରିବେ ନାହିଁ ଯେ ପ୍ରମାଣ କରିବାର ଭାର ଅଭିଯୁକ୍ତଙ୍କ ଉପରେ ରହିଛି। ଯେତେବେଳେ ଆପଣ ନିଜେ ପ୍ରମାଣ କରିପାରିବେ ନାହିଁ ଯେ ଅଭିଯୁକ୍ତ ଦୋଷୀ । ଘୋଡ଼ାଗାଡ଼ିକୁ ଘୋଡା ଆଗରେ ରଖନ୍ତୁ ନାହିଁ।