ପଦୋନ୍ନତି ଚାହୁଁନୁ, ଆମର ୱାର୍କ ଫ୍ରମ୍ ହୋମ୍ ଆବଶ୍ୟକ: ଏହି କମ୍ପାନୀର କର୍ମଚାରୀମାନେ କଲେ ଦାବି…
ୱାଶିଂଟନ: କରୋନା ସମୟରେ, ଯେତେବେଳେ ଲକ୍ ଡାଉନ୍ ହୋଇଥିଲା ସେତେବେଳେ ଦୁନିଆର ପ୍ରାୟ ସମସ୍ତ କମ୍ପାନୀ ନିଜ କର୍ମଚାରୀଙ୍କୁ ଘରୁ କାମ କରିବାର(ୱାର୍କ ଫ୍ରମ୍ ହୋମ୍) ସୁବିଧା ଦେଇଥିଲେ। କରୋନା ଅବଧି ପରେ ଘରୁ କାମର ସୁବିଧା ସମାପ୍ତ ହୋଇଥିଲା। କିନ୍ତୁ ସେତେବେଳକୁ କର୍ମଚାରୀମାନେ ୱାର୍କ ଫ୍ରମ୍ ହୋମ୍ରେ ଅଭ୍ୟସ୍ତ ହୋଇ ପଡ଼ିଥିଲେ।
Sambad is now on WhatsApp
Join and get latest news updates delivered to you via WhatsApp
ଫଳରେ ଅନେକ କମ୍ପାନୀର କର୍ମଚାରୀ ସେମାନଙ୍କୁ ଘରୁ କାମ କରିବାକୁ ଅନୁମତି ଦେବାକୁ ଦାବି କରିଆସୁଛନ୍ତି, କିନ୍ତୁ କମ୍ପାନୀ କର୍ମଚାରୀମାନଙ୍କୁ ଅଫିସକୁ ଆସିବାକୁ କହୁଛନ୍ତି। ଏହି ସମୟରେ, ଏକ କମ୍ପାନୀ ଏହାର କର୍ମଚାରୀମାନଙ୍କୁ କହିଛି ଯେ ଘରୁ କାମ କରୁଥିବା କୌଣସି କର୍ମଚାରୀ ପଦୋନ୍ନତି ପାଇବେ ନାହିଁ। ମାତ୍ର ଅଧାରୁ ଅଧିକ କର୍ମଚାରୀ ପଦୋନ୍ନତି ବଦଳରେ ୱାର୍କ ଫ୍ରମ୍ ହୋମ୍ ବିକଳ୍ପ ବାଛିଥିଲେ।
କମ୍ପ୍ୟୁଟର ଉତ୍ପାଦନକାରୀ କମ୍ପାନୀ ଡେଲ୍ ଦୁନିଆର ଏକ ଅଗ୍ରଣୀ କମ୍ପାନୀ ଅଟେ। କରୋନା ସମୟରେ, ଏହି କମ୍ପାନୀ ନିଜର କର୍ମଚାରୀମାନଙ୍କୁ ଘରୁ କାମ କରିବାର ବିକଳ୍ପ ମଧ୍ୟ ଦେଇଥିଲା। କିନ୍ତୁ କରୋନା ସମାପ୍ତ ହେବା ପରେ କମ୍ପାନୀ ଏହାର ନୀତି ବଦଳାଇ କର୍ମଚାରୀମାନଙ୍କୁ ଅଫିସକୁ ଫେରିବାକୁ କହିଲା। କେତେକ କର୍ମଚାରୀ ଆଉ କାର୍ଯ୍ୟାଳୟକୁ ଫେରିଲେ ନାହିଁ। ଚଳିତ ବର୍ଷ ଫେବୃଆରୀରେ କମ୍ପାନୀ ନିଜ କର୍ମଚାରୀଙ୍କୁ ଅଫିସକୁ ଫେରିବା ପାଇଁ କଡା ନିର୍ଦ୍ଦେଶ ଦେଇଥିଲା ଏବଂ ଏହାକୁ ବାଧ୍ୟତାମୂଳକ କରିଥିଲା।
କମ୍ପାନୀ କର୍ମଚାରୀମାନଙ୍କୁ ୨ ଟି ବିକଳ୍ପ ଦେଇଥିଲା। ପ୍ରଥମ ବିକଳ୍ପରେ ହାଇବ୍ରିଡ୍ ମୋଡ୍ରେ କାମ କରିବା ଅର୍ଥାତ୍ ସପ୍ତାହରେ ୩ ଦିନ ଅଫିସକୁ ଆସିବା ଏବଂ ବାକି ଦିନ ଘରୁ କାମ କରିବା। ଦ୍ୱିତୀୟ ବିକଳ୍ପଟି ହେଲା ସେମାନେ ଘରୁ ସବୁଦିନ ପାଇଁ କାମ କରିପାରିବେ। ତେବେ ଏହି ସମୟ ମଧ୍ୟରେ କମ୍ପାନୀ ମଧ୍ୟ କିଛି ସର୍ତ୍ତ ରଖିଥିଲା।
କମ୍ପାନୀ କହିଥିଲା ଯେଉଁ କର୍ମଚାରୀମାନେ ୱାର୍କ ଫ୍ରମ୍ ହୋମ୍ କରିବାକୁ ପସନ୍ଦ କରିବେ ତାଙ୍କୁ ପଦୋନ୍ନତି ଦିଆଯିବ ନାହିଁ। ପରେ, ବିଜନେସ୍ ଇନସାଇଡର୍ ଦ୍ୱାରା ପ୍ରକାଶିତ ଏକ ରିପୋର୍ଟରୁ ଜଣାପଡିଛି ଆମେରିକାର ଏହି କମ୍ପାନୀର ପ୍ରାୟ ୫୦ ପ୍ରତିଶତ କର୍ମଚାରୀ ୱାର୍କ ଫ୍ରମ୍ ହୋମ୍ କରିବାକୁ ପସନ୍ଦ କରିଥିଲେ, ଅର୍ଥାତ୍ ସେମାନେ ନିଜ ପଦୋନ୍ନତି ବଦଳରେ ୱାର୍କ ଫ୍ରମ୍ ହୋମ୍ ଉପରେ ଗୁରୁତ୍ବ ପ୍ରଦାନ କରିଥିଲେ।
Hmm rather work from home than getting a promotion? How about you? https://t.co/32MrORDN1K
— Kuan Hoong (@kuanhoong) June 21, 2024
କର୍ମଚାରୀମାନେ ୱାର୍କ ଫ୍ରମ୍ ହୋମ୍ ବିକଳ୍ପ ଚୟନ କରିବା ପାଇଁ ଭିନ୍ନ ଭିନ୍ନ କାରଣ ଦର୍ଶାଇଥିଲେ। ଜଣେ କର୍ମଚାରୀ କହିଛନ୍ତି ଯେ ତାଙ୍କ ଟିମ୍ ଦୁନିଆର ବିଭିନ୍ନ ସ୍ଥାନରେ କାମ କରନ୍ତି। ପ୍ରାୟ ସମସ୍ତେ ସମାନ କାର୍ଯ୍ୟ କରିଥାନ୍ତି କାରଣ ଆମ ଚାକିରିରେ ଅଫିସ୍ ଯିବାର କୌଣସି ଅର୍ଥ ନାହିଁ।
ଅନ୍ୟ ଜଣେ କର୍ମଚାରୀ କହିଛନ୍ତି ଯେ ଘରୁ କାମ କରିବାର ବ୍ୟକ୍ତିଗତ ଏବଂ ଆର୍ଥିକ ଲାଭ ଅଛି। ଏପରି ପରିସ୍ଥିତିରେ, ଆମେ ଏହାକୁ ଛାଡି ପାରିବୁ ନାହିଁ। ୱାର୍କ ଫ୍ରମ୍ ହୋମ୍ ପାଇଁ ଆମେ ପଦୋନ୍ନତିକୁ ମଧ୍ୟ ଛାଡି ପାରିବୁ।
ଅନ୍ୟ ଜଣେ କର୍ମଚାରୀ କହିଛନ୍ତି ଅଫିସକୁ ଯିବା ପାଇଁ ଟଙ୍କା ଏବଂ ସମୟ ଖର୍ଚ୍ଚ ହୋଇଥାଏ। ଏପରି ପରିସ୍ଥିତିରେ, ଘରୁ କାମ କରିବା ଉଭୟ ସମୟ ଏବଂ ଅର୍ଥ ସଞ୍ଚୟ କରିଥାଏ।