ମାର୍ଚ୍ଚ ମାସରୁ କୋଲକାତାରେ ପୁଣି ଗଡ଼ିବ ଡବଲ-ଡେ଼କର ବସ
କୋଲକାତା: ମାର୍ଚ୍ଚ ମାସରୁ କୋଲକାତାର ରାଜରାସ୍ତାରେ ପୁଣି ଆରମ୍ଭ ହେବାକୁ ଯାଉଛି ଡବଲ-ଡେ଼କର ବସ ସେବା | ଦିନେ ଏହି ବସ କୋଲକାତା ସହରର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରୁଥିବାବେଳେ ୯୦ ଦଶକ ମଧ୍ୟ ବେଳକୁ ଅଧିକ ମେଣ୍ଟେନାନ୍ସ ଖର୍ଚ୍ଚ ଯୋଗୁଁ ଏହି ସେବାକୁ ବନ୍ଦ କରିଦିଆଯାଇଥିଲା | ଏବେ ପୁଣି ରାଜ୍ୟ ପରିବହନ ନିଗମ ଏହି ବସକୁ ସଡ଼କକୁ ଆଣିବାକୁ ପ୍ରୟାସ ଆରମ୍ଭ କରିଛି | ଏହି ବସର ଡିଜାଇନ ପରିବହନ ନିଗମ ଦ୍ୱାରା କରାଯାଇଥିବାବେଳେ ବସ ଚଳାଇବାକୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ପରିବହନ ବିଭାଗର ଜଣେ ଅଧିକାରୀ କହିଛନ୍ତି ଯେ ପ୍ରାଥମିକ ପର୍ଯ୍ୟାୟରେ ପର୍ଯ୍ୟଟକଙ୍କ ପାଇଁ ଏହି ବସକୁ ବ୍ୟବହାର କରାଯିବାକୁ ଥିବାବେଳେ ଏହାର ଉପର ପାର୍ଶ୍ୱ ଖୋଲା ରହିବ | ପରେ ଏହି ବସକୁ ସାଧାରଣ ଯାତ୍ରୀଙ୍କ ପାଇଁ ବ୍ୟବହାର କରାଯିବ |
ଏଠାରେ ସୂଚନା ଥାଉ କି ୯୦ ଦଶକ ମଧ୍ୟ ଭାଗରେ ଏହି ନାଲି-ଧଳା ରଙ୍ଗର ବସ କଲିକତାର ରାସ୍ତାରେ ସଫଳ ଭାବେ ଯାତ୍ରୀ ପରିବହନରେ ନିୟୋଜିତ ଥିଲା | ବର୍ତ୍ତମାନ ଦେଶର କେବଳ ମୁମ୍ବାଇ ସହରରେ ୫୦ଟି ଡବଲ-ଡେ଼କର ବସ ଚାଲୁଥିବାବେଳେ ଏହି ବସ ଡିଜାଇନରେ ପରିବର୍ତ୍ତନ ମଧ୍ୟ କରାଯିବ |