ଦ୍ରୌପଦୀ ମୁର୍ମୁ ଦେଶର ଜଣେ ମହାନ ରାଷ୍ଟ୍ରପତି ହେବେ ବୋଲି ମୋର ବିଶ୍ବାସ : ମୋଦୀ

ଭୁବନେଶ୍ବର : ଓଡ଼ିଶାର ଦ୍ରୌପଦୀ ମୁର୍ମୁଙ୍କ ନାମ ଏନଡିଏର ରାଷ୍ଟ୍ରପତି ପ୍ରାର୍ଥୀ ଭାବେ ଘୋଷଣା କରାଯିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାହାକୁ ସ୍ବାଗତ କରିଛନ୍ତି ।

ଏକ ଟୁଇଟ କରି ମୋଦୀ ଲେଖିଛନ୍ତି “ସମାଜସେବା ବିଶେଷକରି ଗରିବ, ଦୁର୍ବଳ ବର୍ଗର ସେବା ଓ ସେମାନଙ୍କ ସଶକ୍ତିକରଣ ଦିଗରେ ଦ୍ରୌପଦୀ ମୁର୍ମୁ ନିଜର ସାରା ଜୀବନ ଉତ୍ସର୍ଗ କରିଛନ୍ତି । ତାଙ୍କର ଉତ୍ତମ ପ୍ରଶାସନିକ ଅଭିଜ୍ଞତା ରହିଛି ଓ ରାଜ୍ୟପାଳଭାବେ ତାଙ୍କର କାର୍ଯ୍ୟକାଳ ବେଶ ଉଲ୍ଲେଖନୀୟ ଥିଲା । ସେ ଆମ ଦେଶର ଜଣେ ମହାନ ରାଷ୍ଟ୍ରପତି ହେବେ ବୋଲି ମୋର ଦୃଢ ବିଶ୍ବାସ ।“

Millions of people, especially those who have experienced poverty and faced hardships, derive great strength from the life of Smt. Droupadi Murmu Ji. Her understanding of policy matters and compassionate nature will greatly benefit our country.

— Narendra Modi (@narendramodi) June 21, 2022

“  କୋଟି କୋଟି ଲୋକ ଯେଉଁମାନେ ଦାରିଦ୍ର୍ୟ ମଧ୍ୟରେ ବଢିଛନ୍ତି ଓ କଠିନ ପରିସ୍ଥିତିର ସାମନା କରିଛନ୍ତି, ସେମାନେ ଦ୍ରୌପଦୀ ମୁର୍ମୁଙ୍କ ଜୀବନ କାହାଣୀରୁ ପ୍ରେରଣା ଓ ଶକ୍ତି ପାଆନ୍ତି । ଶାସନ ସମ୍ପର୍କରେ ତାଙ୍କର ଅଭିଜ୍ଞତା ଆମ ଦେଶ ପାଇଁ ବେଶ ଲାଭକାରୀ ହେବ ।“

ସୂଚନାଯୋଗ୍ୟ ଯେ, ଆଜି ମୁର୍ମୁଙ୍କୁ ରାଷ୍ଟ୍ରୀୟ ଗଣତାନ୍ତ୍ରିକ ମେଣ୍ଟ (ଏନଡିଏ) ପକ୍ଷରୁ ରାଷ୍ଟ୍ରପତି ପ୍ରାର୍ଥୀ ଘୋଷଣା କରାଯାଇଛି । ଆଜି ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ବିଜେପି ସଭାପତି ଜେ.ପି.ନଡ୍ଡା ଘୋଷଣା କରିଛନ୍ତି ।