ମୋତେ ରଣବୀର କପୁର, ଅର୍ଜୁନ ରାମପାଲ ଏବଂ ଡିନୋ ମୋରିୟାଙ୍କ ନାମ ନେବାକୁ ଏନସିବି ବାଧ୍ୟ କରୁଛି: କ୍ଷୀତିଜ୍ ରବି ପ୍ରସାଦ
ମୁମ୍ବାଇ: ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡରେ ଆସିଥିବା ଡ୍ରଗ୍ସ ଆଙ୍ଗେଲକୁ ନେଇ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଗୋଟିଏ ପରେ ଗୋଟିଏ ନୂଆ ଖୁଲାସା କରୁଛି। ପୂର୍ବରୁ ଧର୍ମା ପ୍ରଡକ୍ସନ୍ସର ପୂର୍ବତନ ଚଳଚ୍ଚିତ୍ର ନିର୍ମାତା କ୍ଷୀତିଜ୍ ରବି ପ୍ରସାଦ ଏନସିବି ବିରୋଧରେ ବୟାନ ଦେଇଥିବା ବେଳେ ଏବେ ସେ ପୁଣି ଥରେ ଚାଞ୍ଚଲ୍ୟକର ବୟାନ ଦେଇଛନ୍ତି। କ୍ଷୀତିଜଙ୍କ ଓକିଲ ସତିଶ ମାନସିନ୍ଦେଙ୍କ କହିଥିଲେ ଯେ, ଡ୍ରଗ୍ସ ବ୍ୟବହାର ଏବଂ କାରବାରରେ କରଣ ଜୋହରଙ୍କ ସଂପୃକ୍ତି ଥିବା କଥା କହିବା ପାଇଁ ଏନସିବି ଟିମ୍ କ୍ଷୀତିଜଙ୍କ ଉପରେ ଚାପ ପକାଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏବେ କ୍ଷୀତିଜଙ୍କ ଆଉ ଏକ ବୟାନ ସାମ୍ନାକୁ ଆସିଛି। କ୍ଷୀତିଜ ଶନିବାର (ଅକ୍ଟୋବର ୩) ମୁମ୍ବାଇ କୋର୍ଟରେ କହିଛନ୍ତି ଯେ, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଅଧିକାରୀମାନେ ତାଙ୍କୁ ବଲିଉଡ ଅଭିନେତା ରଣବୀର କପୁର, ଅର୍ଜୁନ ରାମପାଲ ଏବଂ ଡିନୋ ମୋରିୟାଙ୍କ ନାମ ଡ୍ରଗ୍ସ ମାମଲାରେ ସାମିଲ କରିବାକୁ ବାଧ୍ୟ କରୁଛି। |
ଶନିବାର କୋର୍ଟରେ ହାଜର ହେବାବେଳେ ସେ କହିଛନ୍ତି ଯେ, ଏନସିବି ମୋତେ ବାରମ୍ବାର ନିର୍ଯାତନା ଦେଉଛି। ବିନା କାରଣରେ କୌଣସି ପ୍ରମାଣ ନଥାଇ ମଧ୍ୟ ଏନସିବି ମୋତେ ରଣବୀର କପୁର, ଅର୍ଜୁନ ରାମପାଲ ଏବଂ ଡିନୋ ମୋରିୟାଙ୍କ ନାମ ନେବାକୁ ବାଧ୍ୟ କରୁଛନ୍ତି। ସେମାନଙ୍କ ନାଁରେ ମିଥ୍ୟା ଆରୋପ ଲଗାଇବା ପାଇଁ ମୋ ଉପରେ ଚାପ ପକାଯାଉଛି। ଏମାନଙ୍କ ନାଁ କହିଲେ ମୋତେ ଛାଡ଼ିଦେବେ ବୋଲି କୁହାଯାଉଛି।