ଦଲୀପ ଟ୍ରଫି ୨୦୨୫ ପାଇଁ ଖେଳସୂଚୀ ଘୋଷଣା

ମୁମ୍ବାଇ: ଦଲୀପ ଟ୍ରଫି ୨୦୨୫ ପାଇଁ ଖେଳସୂଚୀ ଘୋଷଣା କରାଯାଇଛି। ଏହି ବର୍ଷ ଏହି ଟୁର୍ଣ୍ଣାମେଣ୍ଟ ପୁଣି ଥରେ ଆନ୍ତଃ-ଜୋନାଲ ଫର୍ମାଟରେ ଖେଳାଯିବ। ୨୦୨୫ରେ, ମୋଟ ଛଅଟି ଜୋନର ଦଳ ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିବେ। ଏହି ଟୁର୍ଣ୍ଣାମେଣ୍ଟ ୨୮ ଅଗଷ୍ଟରୁ ୧୫ ସେପ୍ଟେମ୍ବର ପର୍ଯ୍ୟନ୍ତ ଖେଳାଯିବ। ଏହି ସିଜନର ସମସ୍ତ ମ୍ୟାଚ୍ ବେଙ୍ଗାଲୁରୁର ସେଣ୍ଟର ଅଫ୍ ଏକ୍ସେଲେନ୍ସ ଗ୍ରାଉଣ୍ଡରେ ଖେଳାଯିବ। ଏହି ଥର ଏହି ଟୁର୍ଣ୍ଣାମେଣ୍ଟ ନକଆଉଟ୍ ଫର୍ମାଟରେ ଅନୁଷ୍ଠିତ ହେବ।

ଦକ୍ଷିଣ ଏବଂ ପଶ୍ଚିମ ଜୋନର ଦଳଗୁଡ଼ିକୁ ଦୁଲୀପ ଟ୍ରଫି ୨୦୨୫ ପାଇଁ ସିଧାସଳଖ ସେମିଫାଇନାଲରେ ସ୍ଥାନ ଦିଆଯାଇଛି। ଦୁଇଟି କ୍ୱାର୍ଟର ଫାଇନାଲ - ଉତ୍ତର ଜୋନ ବନାମ ପୂର୍ବ ଜୋନ ଏବଂ କେନ୍ଦ୍ରୀୟ ଜୋନ ବନାମ ଉତ୍ତର ପୂର୍ବ ଜୋନ ୨୮ ରୁ ୩୧ ଅଗଷ୍ଟ ପର୍ଯ୍ୟନ୍ତ ଖେଳାଯିବ। ଏହା ପରେ, ସେମିଫାଇନାଲ ମ୍ୟାଚ ୪ ରୁ ୭ ସେପ୍ଟେମ୍ବର ପର୍ଯ୍ୟନ୍ତ ଖେଳାଯିବ। ଏହା ପରେ, ଫାଇନାଲ ମ୍ୟାଚ ୧୧ ସେପ୍ଟେମ୍ବର ପର୍ଯ୍ୟନ୍ତ ଖେଳାଯିବ।

ଇରାନୀ ଟ୍ରଫି ସମ୍ପର୍କରେ ମଧ୍ୟ ଏକ ବଡ଼ ନିଷ୍ପତ୍ତି ନିଆଯାଇଛି। ଚଳିତ ବର୍ଷ ଇରାନୀ କପ୍ ନାଗପୁରରେ ଖେଳାଯିବ। ବିଦର୍ଭ ଏବେ ରଣଜୀ ଟ୍ରଫିର ଡିଫେଣ୍ଡିଂ ଚାମ୍ପିଅନ୍ ଅଛି । ଏଣୁ  ଇରାନୀ ଟ୍ରଫିରେ ବିଦର୍ଭ ରେଷ୍ଟ ଅଫ୍ ଇଣ୍ଡିଆ ସହିତ ମୁକାବିଲା କରିବ। ତଥାପି, ଏହି ମ୍ୟାଚ୍ ର ତାରିଖ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।