କୋଲକାତା: ଦୁର୍ଗାପୁରରେ ଓଡ଼ିଆ ଡାକ୍ତରୀ ଛାତ୍ରୀଙ୍କୁ ଗଣଦୁଷ୍କର୍ମ ମାମଲା । ବଢିଲା ଗିରଫ ସଂଖ୍ଯା । ଆଉ ଜଣଙ୍କୁ ଗିରଫ କଲା ପୋଲିସ । ପୀଡିତାଙ୍କ ପୁରୁଷ ବନ୍ଧୁଙ୍କୁ ବାନ୍ଧିଲା ପୋଲିସ । ଏଥିସହ ଗଣଦୁଷ୍କର୍ମ ମାମଲାରେ ଗିରଫ ସଂଖ୍ୟା ୬କୁ ବୃଦ୍ଧି ପାଇଛି । ଗଣଦୁଷ୍କର୍ମ ମାମଲା ସହ ଜଡିତ ଥିବାରୁ ପୀଡିତାଙ୍କ ବନ୍ଧୁଙ୍କୁ ଗିରଫ କରାଯାଇଥିବା ନେଇ ଆସାନସୋଲ-ଦୁର୍ଗାପୁର ସିପି ସୂଚନା ଦେଇଛନ୍ତି । 

Advertisment

ତେବେ ପୀଡିତାଙ୍କ ବାପାଙ୍କ ଅଭିଯୋଗ ଆଧାରରେ ପୁରୁଷ ବନ୍ଧୁଙ୍କୁ ବାନ୍ଧିଛି ପୋଲିସ । ପୀଡିତାଙ୍କ ବାପା ତାଙ୍କ ଝିଅ ସେଦିନ ରାତିରେ ଯେଉଁ ବନ୍ଧୁଙ୍କ ସହ ବାହାରକୁ ଯାଇଥିଲେ ତାଙ୍କୁ ଅଭିଯୁକ୍ତ ଭାବେ ସନ୍ଦେହ କରିବା ପରେ ତାଙ୍କ ଏତଲା ଆଧାରରେ ଆଜି ପୋଲିସ ପୀଡିତାଙ୍କ ପୁରୁଷ ବନ୍ଧୁଙ୍କୁ ଗିରଫ କରିଛି । ପୀଡିତାଙ୍କ ପୁରୁଷ ବନ୍ଧୁ ରାତିରେ ତାଙ୍କ ସହିତ ବାହାରକୁ ଯାଇଥିବା ସମୟରେ ତାଙ୍କୁ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଥିବାରୁ ପୋଲିସ ତାଙ୍କୁ ଗିରଫ କରିଛି। ପୀଡିତାଙ୍କ ପୁରୁଷ ବନ୍ଧୁ ଭାବରେ ଚିହ୍ନଟ ହୋଇଥିବା ଅଭିଯୁକ୍ତକୁ ମଙ୍ଗଳବାର ସନ୍ଧ୍ୟାରେ ଗିରଫ କରାଯାଇଛି।

Untitled-35

ସେପଟେ ଘଟଣା ସମ୍ପର୍କରେ ସିପି କହିଛନ୍ତି- ଏପର୍ଯ୍ୟନ୍ତ, ଆମେ ୬ ଜଣ ଅଭିଯୁକ୍ତଙ୍କୁ ଗିରଫ କରିଛୁ ଯାହାଙ୍କ ଉପସ୍ଥିତି ଅପରାଧ ଘଟିବା ଦିନ ରହିଥିଲା । ପୀଡିତାଙ୍କ ଠାରୁ ଅଭିଯୁକ୍ତମାନେ ଯେଉଁ ମୋବାଇଲ୍ ଫୋନ୍ ଛଡାଇ ନେଇଥିଲେ ତାକୁ ମଧ୍ୟ ଉଦ୍ଧାର କରିଛୁ। ତଦନ୍ତର ସମସ୍ତ ଗୁରୁତ୍ୱପୂର୍ଣ୍ଣ ଅଂଶ ପାଇଛୁ । ସିନ୍ ରିକ୍ରିଏସନ ସହ ସାଇଣ୍ଟିଫିକ୍ ପ୍ରମାଣ ପତ୍ର ସଂଗ୍ରହ କରାଯାଇଛି । ଅଭିଯୁକ୍ତ ପିନ୍ଧିଥିବା ପୋଷାକ ଜବତ ହୋଇଛି । ଅଭିଯୁକ୍ତଙ୍କ ଡାକ୍ତରୀ ମାଇନା କରାଯାଇଛି ମାତ୍ର ରିପୋର୍ଟ ଆସିନି । 

ପୀଡିତାଙ୍କ ବୟାନ ଆଧାରରେ ତାଙ୍କ ପୁରୁଷ ବନ୍ଧୁ ମଧ୍ଯ ସନ୍ଦେହ ଘେରରେ ରହିଛନ୍ତି । ତାଙ୍କ ଉପରେ କଡା ନଜର ରହିଛି, ତାଙ୍କୁ ପଚରାଉଚରା ଚାଲିଛି । ପୀଡିତାଙ୍କୁ ୨୪ ଘଣ୍ଟିଆ ସୁରକ୍ଷା ଯୋଗାଇ ଦିଆଯାଇଛି । ଘଟଣାରେ ଯାହାର ବି ସଂପୃକ୍ତି ଥିବା କାହାକୁ ଛଡାଯିବନି ।