ମହିଳାଙ୍କ ସହ ଅସଦାଚରଣ ଅଭିଯୋଗ ପରେ ପଦରୁ ହଟିଲେ ଦ୍ଵାରକା ଡିସିପି
ନୂଆଦିଲ୍ଲୀ: ମହିଳାଙ୍କ ସହ ଅସଦାଚରଣ ଅଭିଯୋଗରେ ଡ଼ିସିପିଙ୍କ ଉପରେ ନିଆଗଲା ଆକ୍ସନ | ଗତକାଲି ରାତିରେ ଏକ ପବରେ ଜଣେ ମହିଳାଙ୍କ ସହ ଅସଦାଚରଣ ଅଭିଯୋଗ ପରେ ଦ୍ୱାରକା ଡିସିପି ଶଙ୍କର ଚୌଧୁରୀଙ୍କୁ ତାଙ୍କ ପଦରୁ ହଟାଇ ଦିଆଯାଇଛି। ଦିଲ୍ଲୀ ପୁଲିସ କମିଶନରଙ୍କ କାର୍ଯ୍ୟାଳୟରୁ ଦିଆଯାଇଥିବା ନିର୍ଦ୍ଦେଶ ଅନୁଯାୟୀ ଶଙ୍କର ଚୌଧୁରୀଙ୍କୁ ଦ୍ଵାରକା ଡିସିପି ପଦରୁ ହଟାଇ ପୁଲିସ ମୁଖ୍ୟାଳୟକୁ ଆସିବାକୁ ନିର୍ଦ୍ଦେଶ ଦିଆଯାଇଛି। ବାସ୍ତବରେ, ଗତକାଲି ରାତି ପ୍ରାୟ ତିନିଟା ବେଳେ ପବରୁ ପିସିଆରକୁ ଏକ କଲ୍ କରାଯାଇଥିଲା, ଯେଉଁଥିରେ ମହିଳାଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଥିଲା। ମହିଳାଙ୍କ ସ୍ୱାମୀ ଆଇପିଏସ୍ ଅଧିକାରୀ ତଥା ଦ୍ୱାରକା ଡିସିପି ଶଙ୍କର ଚୌଧୁରୀଙ୍କ ନାମରେ ଅସଦାଚରଣ କରିଥିବା ଅଭିଯୋଗ କରିଥିଲେ ।
ମହିଳାଙ୍କ ସ୍ୱାମୀ କହିଥିଲେ ଯେ ଡିସିପି ଶଙ୍କର ଚୌଧୁରୀ ମଦ୍ୟପାନ କରି ତାଙ୍କ ପତ୍ନୀଙ୍କ ମୁଣ୍ଡରେ ଏକ କାଚ ଗ୍ଲାସ୍ ଭାଙ୍ଗିଦେଇଥିଲେ । ମହିଳାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା | ପରେ ତାଙ୍କୁ ମ୍ୟାକ୍ସ ସାକେଟ ହସ୍ପିଟାଲକୁ ନିଆଯାଇଥିଲା। ଏହି ହାଇ ପ୍ରୋଫାଇଲ୍ ମାମଲା ସାମ୍ନାକୁ ଆସିବା ପରେ ଏହାକୁ ନେଇ ଜୋରଦାର ଚର୍ଚ୍ଚା ହୋଇଥିଲା | ମହିଳା ଜଣକ କହିଛନ୍ତି ଯେ ଗତକାଲି ରାତିରେ ଜନ୍ମଦିନ ଭୋଜି ପାଇଁ ନିଜ ପରିବାର ସହିତ ପବକୁ ଯାଇଥିଲେ। ସେଠାରେ ଏକ ଗ୍ଲାସ ତାଙ୍କ ମୁଣ୍ଡରେ ବାଜିଥିଲା। ତେବେ ଭିଡିଓରେ ମହିଳା ଜଣକ କହିଛନ୍ତି ଯେ ଯୋଗାଯୋଗ ପବରେ ତାଙ୍କ ମୁଣ୍ଡରେ କିଏ ଗ୍ଲାସ ଭାଙ୍ଗିଥିଲେ ସେ ଜାଣିପାରିନଥିଲେ | ତାଙ୍କ ସନ୍ଦେହ ଯୋଗୁଁ ଡିସିପିଙ୍କ ନାମ ଏହି ମାମଲାକୁ ଆସିଯାଇଥିଲା |
