ଦିଲ୍ଲୀ ଅଗ୍ନିକାଣ୍ଡରେ ଫସିଥିବା ବନ୍ଧୁଙ୍କର ଏହା ଥିଲା ଶେଷ କଥା…ମୃତ୍ୟୁକୁ ସାମ୍ନାରେ ଦେଖି ବନ୍ଧୁଙ୍କୁ କରିଥିଲେ ଏପରି ନିବେଦନ

ନୂଆଦିଲ୍ଳୀ: ରବିବାର ସକାଳେ ରାଜଧାନୀର ରାଣୀ ଝାନ୍‌ସୀ ମାର୍ଗସ୍ଥିତ ଗୋଟାଏ ପାଞ୍ଚ ତାଲା କୋଠାରେ ଥିବା କାର୍ଡବୋର୍ଡ କାରଖାନାରେ ଅଗ୍ନିକାଣ୍ଡ ଘଟି ୪୩ ଜଣ ଲୋକଙ୍କର ମୃତ୍ୟୁ ଘଟିବା ପରେ ସାରା ଦେଶରେ ଚାଞ୍ଚଲ୍ୟ ସୃଷ୍ଟି ହୋଇଛି। ମୃତକମାନଙ୍କ ମଧ୍ୟରୁ ଜଣେ ଥିଲେ ମହମ୍ମଦ ମୁସାରଫ୍‌(୩୪)। ସେ ମୃତ୍ୟୁ ପୂର୍ବରୁ ଶେଷ କଲ୍‌ କରିଥିଲେ ଉତ୍ତରପ୍ରଦେଶର ତାଙ୍କ ବନ୍ଧୁ ମୋନୁ ଅଗ୍ରୱାଲ୍‌ଙ୍କୁ। ସେ ମୃତ୍ୟୁ ପୂର୍ବରୁ ତାଙ୍କ ବନ୍ଧୁଙ୍କୁ ଯାହା କହି ଯାଇଛନ୍ତି ତାହା ଥିଲା ଅତ୍ୟନ୍ତ ହୃଦୟ ବିଦାରକ।

ଅଗ୍ରୱାଲ୍‌ ଗଣମାଧ୍ୟମରେ ସୂଚନା ଦେଇ କହିଛନ୍ତି, ‘ମହମ୍ମଦ ଶେଷ ଥର କଥା ହେଲା ବେଳେ କହିଥିଲା କି ମୋ ପରିବାରର ଯତ୍ନ ନେବୁ। ମୁଁ ଆଉ ବଞ୍ଚିବି ନ‌ାହିଁ।’ ଭୋର୍‌ ପ୍ରାୟ ୫ଟାରେ ଦୁଇ ବନ୍ଧୁ ଟେଲିଫୋନ୍‌ରେ ଏହି କଥା ହୋଇଥିଲେ। ଉଭୟ ଉୟଭଙ୍କୁ ପିଲାଟିଦିନରୁ ଜାଣନ୍ତି। ତାଙ୍କ ଘର ଉତ୍ତରପ୍ରଦେଶରେ।

India Today

ଏପରି କଥା ହେବା ସମୟରେ ମହମ୍ମଦକୁ ପିଲାଦିନର ବନ୍ଧୁ ମୋନୁ କହିଥିଲେ, ‘ଆଶା ହାରେନି। ଆବଶ୍ୟକ ପଡ଼ିଲେ ତଳକୁ ଡେଇଁ ପଡ଼।’ ମାତ୍ର କିଛି ଲାଭ ହୋଇନଥିଲା। ବନ୍ଧୁଙ୍କ ସହ କଥା ହୋଇ ହୋଇ ନିଆଁରେ ଜଳି ଜୀବନ ଯୁଦ୍ଧରେ ହାରି ଯାଇଥିଲେ ମହମ୍ମଦ। ମହମ୍ମଦ ମୁସାରଫ୍‌ଙ୍କର ୩ ଝିଅ ଓ ଜଣେ ପୁଅ ଅଛନ୍ତି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.