ଏକାଥରେ ୪ଟି ଦେଶରେ ଭୂକମ୍ପ: ଭାରତ ସମେତ ଚାରି ଦେଶକୁ ଭୂକମ୍ପ ଝଟକା

ନୂଆଦିଲ୍ଲୀ: ଭାରତ ସମେତ ଚାରିଟି ଦେଶକୁ ଭୂକମ୍ପ ଝଟକା । ତିନି ଘଣ୍ଟା ମଧ୍ୟରେ ଭାରତ, ନେପାଳ, ତିବ୍ଦତ ଏବଂ ପାକିସ୍ତାନର ଅନେକ ଅଞ୍ଚଳରେ ଏହି ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି । ଭାରତରେ ଭୋର ଭୋର ଭୂକମ୍ପ ଝଟକା ଲାଗିଥିବା ବେଳେ ରିକ୍ଟର ସ୍କେଲରେ ଭୂକମ୍ପର ତୀବ୍ରତା ଥିଲା ୫.୫ ।

ତେବେ ନେପାଳର ବାଗମାଟି ପ୍ରଦେଶରେ ରାତି ପ୍ରାୟ ୨.୩୫ ମିନିଟ ସମୟରେ ଭୂକମ୍ପ ଅନୁଭୂତ ହୋଇଥିଲା । ପାକିସ୍ତାନରେ ବି ଭୂକମ୍ପ ଝଟକା ଲାଗିବା ପରେ ଲୋକେ ଘରୁ ବାହାରି ଆସିଥିଲେ । ରିକ୍ଟର ସ୍କେଲରେ ପାକିସ୍ତାନ ଭୂକମ୍ପର ତୀବ୍ରତା ରହିଛି ୪.୫ । ପୂର୍ବରୁ ଫେବୃୟାରୀ ୧୬ରେ ବି ଭୂକମ୍ପର ଝଟକା ପାକିସ୍ତାନକୁ ଲାଗିଥିଲା ।