କାବୁଲ : ଦୁର୍ଭାଗ୍ୟ ଆଫଗାନିସ୍ତାନର ପିଛା ଛାଡ଼ୁନାହିଁ । ତିନିଦିନ ତଳେ ପ୍ରଳୟଙ୍କରୀ ଭୂମିକମ୍ପର ସମ୍ମୁଖୀନ ହୋଇଥିବା ଏହି ଯୁଦ୍ଧ ବିଧ୍ବସ୍ତ ଦେଶ ଶୁକ୍ରବାରଦିନ ପୁଣି ଥରେ ଭୂମିକମ୍ପର ସମ୍ମୁଖୀନ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଆଫଗାନିସ୍ତାନ ଟେଲିଭିଜନ ଚ୍ୟାନେଲ ଟୋଲୋ ନ୍ୟୁଜର ସୂଚନା ଅନୁସାରେ ପୂର୍ବ ଆଫଗାନିସ୍ତାନର ପାକତିକା ରାଜ୍ୟର ଗିଆନ ଜିଲ୍ଲାରେ ଶୁକ୍ରବାର ସକାଳେ ଏହି ଭୂମିକମ୍ପ ହୋଇଥିଲା । ଏହି ଭୂମିକମ୍ପ ଯୋଗୁଁ ଅତିକମରେ ୫ ଜଣ ଲୋକ ମୃତ୍ୟୁବରଣ କରିଛନ୍ତି ଓ ୧୧ ଜଣ ଆହତ ହୋଇଛନ୍ତି ଯେ ପାକତିକା ଗଭର୍ଣ୍ଣରଙ୍କ ମୁଖପାତ୍ର ସନାଉଲ୍ଲା ମାସୁମ କହିଛନ୍ତି ।
ଗତ ବୁଧବାଦିନ ପୂର୍ବ ଆଫଗାନିସ୍ତାନରେ ହୋଇଥିବା ୬ ତୀବ୍ରତାର ପ୍ରଳୟଙ୍କରୀ ଭୂମିକମ୍ପରେ ପ୍ରାୟ ୧୧୫୦ ଲୋକ ମୃତ୍ୟୁବରଣ କରିଥିବାବେଳେ ଶହ ଶହ ଲୋକ ଆହତ ହୋଇଥିଲେ । ଏହି ଭୂମିକମ୍ପ ଫଳରେ ଆଫଗାନିସ୍ତାନରେ ଦେଖାଯାଇଥିବା ମାନବୀୟ ସଂକଟ ଆହୁରି ଗୁରୁତର ହୋଇଛି ।
ବର୍ଷ ବର୍ଷ ଧରି ଯୁଦ୍ଧର ସମ୍ମୁଖୀନ ହେବା ପରେ ଆଫଗାନିସ୍ତାନ ଲୋକଙ୍କ ଅବସ୍ଥା ଶୋଚନୀୟ ହୋଇପଡ଼ିଛି । ଗତ ବର୍ଷ ଅଗଷ୍ଟ ମାସରେ ତାଲିବାନ ପୁଣି ଶାସନକୁ ଆସିବା ପରେ ଅବସ୍ଥା ଆହୁରି ଚିନ୍ତାଜନକ ହୋଇଯାଇଛି । ଏ ପରିସ୍ଥିତିରେ ଏହି ଭୂମିକମ୍ପ ଦେଶର ସ୍ଥିତିକୁ ଦୋହଲାଇ ଦେଇଛି ।
ଆଫଗାନିସ୍ତାନର ଭୂମିକମ୍ପ ପ୍ରପୀଡ଼ିତ ଲୋକମାନଙ୍କ ସହାୟତା ପାଇଁ ଭାରତ ସମେତ ବିଶ୍ବର ବିଭିନ୍ନ ଦେଶ ସହାୟତା ପ୍ରେରଣ କରିଛନ୍ତି । ଭାରତ ପକ୍ଷରୁ ଖାଦ୍ୟ, ଔଷଧ ସହ ଏକ ଉଦ୍ଧାରକାରୀ ଦଳ ପଠାଯାଇଛି ।