ପୋର୍ଟବ୍ଲେୟାର: ପୁଣି ଥରେ ଭାରତରେ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି। ରବିବାର, ନଭେମ୍ବର ୯ ତାରିଖରେ ଆଣ୍ଡାମାନରେ ଘଟିଥିବା ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୫.୪ ମାପ କରାଯାଇଛି। ନ୍ୟାସନାଲ ସେଣ୍ଟର ଫର୍ ସିସମୋଲୋଜି (NCS) ଅନୁଯାୟୀ, ରବିବାର ମଧ୍ୟାହ୍ନ ୧୨ଟା ୦୬ରେ ଭୂକମ୍ପ ହୋଇଥିଲା। ଏହାର କେନ୍ଦ୍ରସ୍ଥଳ ଆଣ୍ଡାମାନ ସାଗରରେ ଥିଲା। ଭୂକମ୍ପର ଭୂପୃଷ୍ଠର ୯୦ କିଲୋମିଟର ତଳେ  ଅନୁଭୂତ ହୋଇଥିଲା।

Advertisment

ରବିବାର ମଧ୍ୟାହ୍ନ ୧୨ଟା ୦୬ରେ ଭୂକମ୍ପ

ନ୍ୟାସନାଲ ସେଣ୍ଟର ଫର୍ ସିସମୋଲୋଜି (NCS) ଏହାର ସରକାରୀ ଆକାଉଣ୍ଟରେ ଭୂକମ୍ପକୁ ଟ୍ୱିଟ୍ କରି ସମ୍ପର୍କିତ ତଥ୍ୟ ପ୍ରଦାନ କରିଛି। ଜର୍ମାନ ରିସର୍ଚ୍ଚ ସେଣ୍ଟର ଫର୍ ଜିଓସାଇନ୍ସ (GFZ) କହିଛି ଯେ, ଭୂକମ୍ପର ତୀବ୍ରତା ୬.୦୭ ଥିଲା ଏବଂ ଏହା ଭୂପୃଷ୍ଠର ୧୦ କିଲୋମିଟର ଗଭୀରତାରେ ଅନୁଭୂତ ହୋଇଥିଲା।ତେବେ ଏନେଇ କ୍ଷୟକ୍ଷତିର କୌଣସି ରିପୋର୍ଟ ହୋଇନାହିଁ।

ଭୂକମ୍ପ ପରେ ଜାପାନରେ ସୁନାମି ଚେତାବନୀ ଜାରି

ରବିବାର ଦିନ ଉତ୍ତର ପ୍ରଶାନ୍ତ ମହାସାଗରୀୟ ଅଞ୍ଚଳରେ ୬.୮ ତୀବ୍ରତାର ଭୂକମ୍ପ ହେବା ପରେ ଜାପାନ ଇୱାଟେ ପ୍ରଦେଶ ପାଇଁ ସୁନାମି ଚେତାବନୀ ଜାରି କରିଥିଲା। ଜାପାନ ପାଣିପାଗ ସଂସ୍ଥା ରିପୋର୍ଟ କରିଛି ଯେ, ସ୍ଥାନୀୟ ସମୟ ସନ୍ଧ୍ୟା ୫ଟା ୦୩ରେ ଇୱାଟେ ଉପକୂଳରେ ଭୂକମ୍ପ ହୋଇଥିଲା। ତିନି ଫୁଟ ଉଚ୍ଚତା ପର୍ଯ୍ୟନ୍ତ ସୁନାମି ଆସିବାର ଆଶଙ୍କା ରହିଛି। ଜାପାନ ପାଣିପାଗ ସଂସ୍ଥାର ବୁଲେଟିନରେ ସତର୍କ କରାଯାଇଛି ଯେ, ଯେକୌଣସି ସମୟରେ ଢେଉ ଆସିପାରେ ଏବଂ ଉପକୂଳ ଅଞ୍ଚଳକୁ ଏଡାଇବାକୁ ବାସିନ୍ଦାଙ୍କୁ ଅନୁରୋଧ କରାଯାଇଛି।

ଉଲ୍ଲେଖଯୋଗ୍ୟ, ୨୦୧୧ ମସିହାରେ, ସମାନ ଅଞ୍ଚଳରେ ୯.୦ ତୀବ୍ରତାର ଭୂମିକମ୍ପ ହୋଇଥିଲା, ଯାହା ଫଳରେ ସୁନାମି ଆସିଥିଲା ​​ଏବଂ ପ୍ରାୟ ୧୮,୫୦୦ ଲୋକଙ୍କ ମୃତ୍ୟୁ ହୋଇଥିଲା।