ବିକାନୀରରେ ୫.୩ ତୀବ୍ରତାର ଭୂମିକମ୍ପ ; ଲେହ, ମେଘାଳୟରେ ବି ଭୂମିକମ୍ପ
ଜୟପୁର : ବୁଧବାର ସକାଳେ ରାଜସ୍ତାନର ବିକାନୀରରେ ଏକ ଭୂମିକମ୍ପ ଅନୁଭୂତ ହୋଇଛି । ରିକ୍ଚର ସ୍କେଲରେ ଏହାର ତୀବ୍ରତା ୫.୩ ଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ରର ରିପୋର୍ଟ ଅନୁସାରେ ବୁଧବାର ସକାଳ ୫ଟା ବେଳେ ଏହି ଭୂମିକମ୍ପ ହୋଇଥିଲା । ବିକାନୀର ସହରଠାରୁ ୩୪୩ କିଲୋମିଟର ଉତ୍ତରପଶ୍ଚିମରେ ଏହାର କେନ୍ଦ୍ର ଥିବା ଜଣାଯାଇଛି । ତେବେ ଏହି ଭୂମିକମ୍ପ ଯୋଗୁଁ ଧନଜୀବନହାନୀର କୌଣସି ସୂଚନା ମିଳିପରିନାହିଁ ।
ସେହିପରି ସକାଳ ୪ଟା ୫୭ ମିନିଟରେ ଲଦାଖର ଲେହରେ ୩.୬ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଛି ବୋଲି ଏନସିଏସ କହିଛି ।
ଆଜି ମଧ୍ୟ ମେଘାଳୟର ପଶ୍ଚିମ ଗାରୋ ପର୍ବତମାଳା ଅଞ୍ଚଳରେ ଏକ ଭୂମିକମ୍ପ ଅନୁଭୂତ ହୋଇଛି । ରିକ୍ଚର ସ୍କେଲରେ ଏହାର ତୀବ୍ରତା ୪.୧ ଥିବା ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି । ବୁଧବାର ରାତି ୨ଟା ୧୦ ମିନିଟରେ ଏହି ଭୂମିକମ୍ପ ହୋଇଥିବା ଜଣାଯାଇଛି ।