ଇସଲାମାବାଦ: ପୁଣି ପାକିସ୍ତାନରେ ଭୂମିକମ୍ପ । ଭୂକମ୍ପ ଝଟକାରେ ପୁଣି ଥରିଲା ପାକିସ୍ତାନ । ସନ୍ଧ୍ୟା ୬ଟା ୬ ମିନିଟରେ ପାକିସ୍ତାନରେ ଭୂକମ୍ପର ଝଟକା । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୪ ରେକର୍ଡ । ଭୂମିକମ୍ପ ପରେ ଲୋକେ ଛାନିଆରେ ଘରୁ ବାହାରି ଆସିଥିବା ବେଳେ କୌଣସି କ୍ଷୟକ୍ଷତିର ଏଯାଏଁ ସୂଚନା ମିଳିନି ।

Advertisment

ତେବେ ଗତ ଦୁଇ ଦିନ ତଳେ ଅର୍ଥାତ ମଙ୍ଗଳବାର ଦିନ ବି ଭୂମିକମ୍ପରେ ଦୋହଲିଥିଲା ପାକିସ୍ତାନ । ସଂଧ୍ଯା ୭ଟା ୨୦ ବେଳେ ଲାଗିଥିଲା ଝଟକା । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୨ ରେକର୍ଡ ହୋଇଥିଲା ।

ଖାଲି ଏହି ଦୁଇ ଦିନ ନୁହେଁ ମେ' ମାସରେ ପାକିସ୍ତାନ ଉପରେ ପ୍ରକୃତିର କୋପ ପଡିଛି । ମେ' ମାସରେ ହିଁ ପାକିସ୍ତାନ ଉପରେ ଦାଉ ସାଧିଛି ପ୍ରକୃତି । ଗୋଟେ ପଟେ ଏହି ମାସରେ ଭାରତ ଠାରୁ ପ୍ରଚଣ୍ଡ ପ୍ରହାରରେ ପାକିସ୍ତାନର ଅଣ୍ଟା ଦୋହଲି ଯାଇଥିବା ବେଳେ ଏବେ ଘନଘନ ଭୂମିକମ୍ପ ଦେଶକୁ ଦୋହଲାଇ ଦେଉଛି । ଗତ ୧୦ ତାରିଖରେ ୪.୪ ତୀବ୍ରତାର ଭୂମିକମ୍ପ ଏବଂ ମେ ୧୨ ତାରିଖରେ ୪.୬ ତୀବ୍ରତାର ଭୂମିକମ୍ପ ଝଟକା ପାକିସ୍ତାନକୁ ଲାଗି ସାରିଛି ।