ନୂଆଦିଲ୍ଲୀ : କରୋନା ମହାମାରୀକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ପକ୍ଷରୁ ନିର୍ବାଚନ ପରିଚାଳନା ପାଇଁ ନୂଆ ଗାଇଡଲାଇନ ଜାରି କରାଯାଇଛି । ଆଗାମୀ ବିହାର ନିର୍ବାଚନ ଓ ବିଭିନ୍ନ ସ୍ଥାନରେ ହେବାକୁ ଥିବା ଉପନିର୍ବାଚନରେ ଏସବୁ ଗାଇଡଲାଇନ ଲାଗୁ କରାଯିବ । ଓଡ଼ିଶାର ଦୁଇଟି ସ୍ଥାନରେ ଉପନିର୍ବାଚନ ହେବାର ସମ୍ଭାବନା ରହିଛି। ବାଲେଶ୍ବର ସଦର ବିଧାୟକ ମଦନ ମୋହନ ଦତ୍ତ ଏବଂ ତିର୍ତ୍ତୋଲ ବିଧାୟକ ବିଷ୍ଣୁ ଦାସଙ୍କ ପରଲୋକ ହେତୁ ଏହି ଦୁଇ ଆସନ ଖାଲି ପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ବିଭିନ୍ନ ରାଜନୈତିକ ଦଳ, ବିଭିନ୍ନ ରାଜ୍ୟର ନିର୍ବାଚନ ଅଧିକାରୀ ଓ ସାଧାରଣ ଜନତାଙ୍କ ମତାମତ ଅନୁସାରେ ଏସବୁ ଗାଇଡଲାଇନ ପ୍ରସ୍ତୁତ କରାଯାଇଛି । ନୂଆ ନିୟମ ଅନୁସାରେ କରୋନା ସଂକ୍ରମିତ, ଭିନ୍ନକ୍ଷମ ଓ ୮୦ ବର୍ଷରୁ ଅଧିକ ବୟସର ଭୋଟରମାନେ ପୋଷ୍ଟାଲ ବାଲାଟ ମାଧ୍ୟମରେ ଭୋଟ ଦେବେ । ଇଭିଏମ ମେସିନରେ ଭୋଟ ଦେବାଲାଗି ପ୍ରତି ଭୋଟରଙ୍କୁ ଗ୍ଲୋଭସ୍ ପ୍ରଦାନ କରାଯିବ ।
Election Commission of India issues guidelines for the conduct of general elections/by-elections during COVID-19; candidates can file nomination online, people to wear face masks during election-related activities. pic.twitter.com/j30hnGJkD1
— ANI (@ANI) August 21, 2020
ଅନ୍ୟପକ୍ଷରେ ପ୍ରାର୍ଥୀ ଅନଲାଇନରେ ମନୋନୟନ ପତ୍ର ଦାଖଲ କରିପାରିବେ ଓ ଅନଲାଇନରେ ଅମାନତ ଜମା କରିପାରିବେ । ଯେଉଁ ପ୍ରାର୍ଥୀ ପାରମ୍ପରିକ ଭାବେ ମନୋନୟନ ପତ୍ର ଦାଖଲ କରିବାକୁ ଚାହିଁବେ ସେ ନିଜ ସହିତ କେତେ ଜଣ ସମର୍ଥକ ଓ ଯାନ ନେଇପାରିବେ ତାହାକୁ ସୀମିତ କରାଯାଇଛି । ପ୍ରାର୍ଥିପତ୍ର ଦାଖଲ ବେଳେ ମାତ୍ର ୨ଟି ଗାଡ଼ି ବ୍ୟବହାର ହେବ ଓ ସେହିପରି ପ୍ରାର୍ଥିପତ୍ର ଦାଖଲ ବେଳେ ମାତ୍ର ୨ ଜଣ ପ୍ରାର୍ଥୀଙ୍କ ସହ ଯାଇପାରିବେ ।
ସେହିପରି ସର୍ବାଧିକ ୫ ଜଣ ଘରକୁ ଘର ବୁଲି ନିର୍ବାଚନ ପ୍ରଚାର କରିପାରିବେ । କେନ୍ଦ୍ର ଓ ରାଜ୍ୟ ସରକାରଙ୍କ ଅନୁମତି ଅନୁସାରେ ଉପଯୁକ୍ତ ଗାଇଡଲାଇନ ମାନି ଜନସଭା କରିହେବ । ନିର୍ବାଚନ ପ୍ରକ୍ରିୟାରେ ସାନିଟାଇଜର, ମାସ୍କ, ହାଣ୍ଡଓ୍ଵାସ, ଗ୍ଲୋଭସ ଆଦି ବ୍ୟବହାର କରିବା ବାଧ୍ୟତାମୂଳକ କରାଯାଇଛି ।
ପ୍ରତି ବୁଥ୍ରେ ୧୫୦୦ ବଦଳରେ ୧୦୦୦ ଭୋଟର ଭୋଟ ଦେବେ I ଭୋଟଦାନ ପୂର୍ବରୁ ସମସ୍ତଙ୍କ ଶରୀରର ତାପମାତ୍ରା ଯାଞ୍ଚ କରାଯିବ I ନିର୍ବାଚନର ଦିନକ ପୂର୍ବରୁ ପ୍ରତି ବୁଥ୍ ସାନିଟାଇଜ କରାଯିବ । ନିର୍ବାଚନ ଅଧିକାରୀ ସାମାଜିକ ଦୂରତା ରକ୍ଷା କରିବେ I