ବେଆଇନ ଅର୍ଥ କାରବାର ସଂଦେହ, ତବଲିଗି ଜମାତ ବିରୁଦ୍ଧରେ ମାମଲା ରୁଜ୍ଜୁ କଲା ଇଡି
ନୂଆଦିଲ୍ଲୀ : ଏନଫୋର୍ସମେଣ୍ଟ ଡାଇରେକଫରେଟ ବା ଇଡି ତବଲିଗି ଜମାତ ବିରୁଦ୍ଧରେ ବେଆଇନ ଅର୍ଥକାରବାର ବା ମନି ଲଣ୍ଡରିଂ ମାମଲା ରୁଜ୍ଜୁ କରିଛି । ଦିଲ୍ଲୀ ପୁଲିସ ସୂଚନା ଆଧାରରେ ବେଆଇନ ଅର୍ଥକାରବାର ନିରୋଧ ଆଇନ ଅଧିନରେ ଏହି ମାମଲା ମୌଲାନା ସାଦ ଓ ଅନ୍ୟ ୮ ଜଣଙ୍କ ବିରୁଦ୍ଧରେ ରୁଜ୍ଜୁ କରାଯାଇଛି । ମୌଲାନା ସାଦ ଗଠନ କରିଥିବା ଟ୍ରଷ୍ଟକୁ ବିଦେଶରୁ ପାଣ୍ଠି ଆସୁଥିବା ଦିଲ୍ଲୀ ପୁଲିସ ତଦନ୍ତରୁ ସୁରାକ ପାଇବା ପରେ ମାମଲା ଇଡି ହାତକୁ ଆସିଥିଲା ।
Sambad is now on WhatsApp
Join and get latest news updates delivered to you via WhatsApp
ଗତ ମାର୍ଚ୍ଚ ମାସରେ ଦିଲ୍ଲୀର ନିଜାମୁଦ୍ଦିନ ଅଞ୍ଚଳରେ ହୋଇଥିବା ତବଲିଗି ଜମାତର ଧାର୍ମିକ ସମ୍ମିଳନୀରେ ଦେଶ ବିଦେଶରୁ ଆସିଥିବା ହଜାର ହଜାର ଲୋକ ଯୋଗ ଦେଇଥିଲେ । ଏଥିରେ ଚୀନ,ଥାଇଲାଣ୍ଡ, ଇଣ୍ଡୋନେସିଆ, ମାଲେସିଆ ଆଦି ଦେଶର ଲୋକମଧ୍ୟ ଥିଲେ । ମାର୍ଚ୍ଚ ୨୪ରେ ଲକଡାଉନ ଘୋଷଣା ହେବା ପୂର୍ବରୁ ଅଧିକାଂଶ ଲୋକ ମର୍କାଜ୍ ଛାଡ଼ିଦେଇଥିଲେ ମଧ୍ୟରୁ ଆହୁରି ପ୍ରାୟ ୧୫ ଶହ ଲୋକ ସେଠାରେ ରହିଥିଲେ ।
ଏହି ଘଟଣା ପରେ ଦିଲ୍ଲୀ ପୁଲିସ ଏହି ଜମାତର ଆୟୋଜକମାନଙ୍କ ବିରୁଦ୍ଧରେ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଥିଲା । ତେବେ ବାରମ୍ବାର ସମନ ଜାରି ହେବା ସତ୍ତ୍ବେ ମୌଲାନା ସାଦ ଏପର୍ଯ୍ୟନ୍ତ ଫେରାର ରହିଛି । ତା ପରିବାରର ୪ ଜଣଙ୍କୁ କରୋନା ସଂକ୍ରମଣ ଥିବା ଜଣାପଡ଼ିଛି ।