ନୂଆଦିଲ୍ଲୀ: ଏକ ଦୁର୍ନୀତି ମାମଲାରେ ଏଜେନ୍ସି ଏବଂ ସିବିଆଇର ସ୍କାନରରେ ଥିବା ଜଣେ ପ୍ରବର୍ତ୍ତନ ନିର୍ଦ୍ଦେଶାଳୟର ଅଧିକାରୀ ଆତ୍ମହତ୍ୟା କରିଥିବା ସୂଚନା ମିଳିଛି। ମଙ୍ଗଳବାର ଦିନ ଦିଲ୍ଲୀ ନିକଟସ୍ଥ ସାହିବାବାଦର ଏକ ରେଳ ଟ୍ରାକରେ ଅଧିକାରୀ ଆଲୋକ କୁମାର ପଙ୍କଜଙ୍କ ମୃତଦେହ ମିଳିବା ପରେ ଏହି ଘଟଣା ସମସ୍ତଙ୍କୁ ଚକିତ କରିଛି।

Advertisment

ଗାଜିଆବାଦର ବାସିନ୍ଦା ଆଲୋକ କୁମାର ନୂଆଦିଲ୍ଲୀରେ ଇଡି ସହ ଡେପୁଟେସନରେ ଥିଲେ। ଏହାପୂର୍ବରୁ ସେ ଆୟକର ବିଭାଗ ସହିତ କାମ କରିଥିଲେ। ନିକଟରେ ଏକ ଦୁର୍ନୀତି ମାମଲାରେ ସିବିଆଇ ତାଙ୍କୁ ଦୁଇଥର ପଚରାଉଚରା କରିଥିଲା। ​​କିନ୍ତୁ ପ୍ରମାଣ ଅଭାବରୁ ତାଙ୍କୁ ଛାଡି ଦିଆଯାଇଥିଲା।
ଇଡିର ସହକାରୀ ନିର୍ଦ୍ଦେଶକ ସନ୍ଦୀପ ସିଂଙ୍କୁ ସିବିଆଇ ଗିରଫ କରିବା ପରେ ଲାଞ୍ଚ ମାମଲାରେ ଆଲୋକ କୁମାର ପଙ୍କଜଙ୍କ ନାମ ଆସିଥିଲା। ସିବିଆଇ ଜଣେ ବ୍ୟକ୍ତିଙ୍କଠାରୁ ଅଭିଯୋଗ ଗ୍ରହଣ କରିଥିଲା ଯେ ସିଂ ତାଙ୍କ ପୁଅକୁ ଗିରଫ ନକରିବା ପାଇଁ ୫୦ ଲକ୍ଷ ଟଙ୍କା ମାଗିଥିଲେ। ଏହା ପରେ ଏଜେନ୍ସି ଏକ ଜାଲ ପକାଇ ସିଂହଙ୍କୁ ଦିଲ୍ଲୀରେ ୨୦ ଲକ୍ଷ ଟଙ୍କା ଲାଞ୍ଚ ଗ୍ରହଣ କରୁଥିବା ବେଳେ ରେଡ୍‌-ହ୍ୟାଣ୍ଡେଡ୍‌ ଧରିଥିଲା।

ସିଂ ମୁମ୍ବାଇର ଜଣେ ଅଳଙ୍କାର ଦୋକାନୀଙ୍କ ଠାରୁ ମଧ୍ୟ ଲାଞ୍ଚ ନେଇଥଲେ। ଯାହାଙ୍କ ଦୋକାନ ପୂର୍ବରୁ ଇଡି ଦ୍ୱାରା ଚଢ଼ଉ କରାଯାଇଥିଲା। ସେହିଭଳି ଆଲୋକ କୁମାର ପଙ୍କଜଙ୍କୁ ଏଫଆଇଆରରେ ସନ୍ଦୀପ ସିଂଙ୍କ ସହ ଅଭିଯୁକ୍ତ ଭାବେ ନାମିତ କରାଯାଇଥିଲା। ଏହି ମାମଲା ପରେ ସନ୍ଦୀପ ସିଂଙ୍କୁ ନିଲମ୍ବିତ କରାଯାଇଥିବା ଜଣାଯାଇଛି।