ମୁମ୍ବାଇ: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦାଉଦ ଇବ୍ରାହିମ ମନି ଲଣ୍ଡରିଂ ମାମଲାରେ ମହାରାଷ୍ଟ୍ର ମନ୍ତ୍ରୀ ନଓ୍ଵାବ ମଲିକଙ୍କ ଭାଇ କପ୍ତାନ ମଲିକଙ୍କୁ ଡକାଇଛି ବୋଲି ତାଙ୍କ ପରିବାର ଗୁରୁବାର ଦିନ କହିଛନ୍ତି। ଏହି ସମୟରେ, ନଓ୍ଵାବ ମଲିକଙ୍କ ଭଉଣୀ ମଧ୍ୟ ଗୁରୁବାର ଦିନ ଇଡି କାର୍ଯ୍ୟାଳୟରେ ପହଞ୍ଚିଥିଲେ।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇ ଅଣ୍ଡରୱାର୍ଲ୍ଡର କାର୍ଯ୍ୟକଳାପ ସହିତ ଜଡିତ ଏକ ମନି ଲଣ୍ଡରିଂ ମାମଲାରେ ନଓ୍ଵାବ ମଲିକଙ୍କୁ ଗିରଫ କରିବାର ଗୋଟିଏ ଦିନ ପରେ ଇଡି ପକ୍ଷରୁ ଏହି ପଦକ୍ଷେପ ନିଆଯାଇଛି। ଅନ୍ୟପକ୍ଷରେ ଆଜି ଗିରଫ ନଓ୍ଵାବ ମଲିକଙ୍କୁ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଇଡି ହେପାଜତକୁ ପଠାଇ ଦିଆଯାଇଛି।
ଏହି ମନି ଲଣ୍ଡରିଂ ମାମଲା ପଳାତକ ଅଣ୍ଡରଓ୍ଵାଲର୍ଡ ଡନ୍ ଦାଉଦ ଇବ୍ରାହିମର ସହଯୋଗୀମାନଙ୍କ ସହ ନଓ୍ଵାବ ମଲିକଙ୍କ କଥିତ ଏକ ଚୁକ୍ତି ସହିତ ଜଡିତ ବୋଲି ଇଡି ସୂତ୍ରରୁ ପ୍ରକାଶ। ଦାଉଦ ଇବ୍ରାହିମ, ତାଙ୍କ ଭାଇ ଅନିସ, ଇକବାଲ, ସହଯୋଗୀ ଛୋଟା ସକିଲ ଏବଂ ଅନ୍ୟମାନଙ୍କ ବିରୋଧରେ ରୁଜୁ ହୋଇଥିବା ଏକ ମାମଲାର ଏବେ ଇଡି ଅନୁସନ୍ଧାନ କରୁଛି। ଗତ ସପ୍ତାହରେ, ତଦନ୍ତ କାଳରେ ଇଡି ମୁମ୍ବାଇର ବିଭିନ୍ନ ସ୍ଥାନରେ ଛାନ୍ଭିନ୍ ଆରମ୍ଭ କରିଥିଲା। ଇଡି କହିଛି ଯେ ଏକ ନିର୍ଦ୍ଦିଷ୍ଟ ରିଅଲ ଇଷ୍ଟେଟ ପ୍ରକଳ୍ପରେ ନଓ୍ଵାବ ମଲିକଙ୍କ ବେନାମୀ ବିନିଯୋଗର ବିବରଣୀ ସେମାନଙ୍କ ପାଖରେ ଅଛି।