ମହିଳା ଦିବସରେ ସମ୍ବାଦପତ୍ରର ସଂପାଦିକା ଓ ପ୍ରକାଶିକାଙ୍କୁ ନ୍ୟାୟାଳୟର ଅବମାନନା ମାମଲାରେ ମେଘାଳୟ ଉଚ୍ଚ ନ୍ୟାୟଳୟ ଦେଲେ ଏହି ଦଣ୍ଡାଦେଶ
ଇଂଫାଲ୍ : ମେଘାଳୟ ଉଚ୍ଚ ନ୍ୟାୟଳୟ ଉତ୍ତର-ପୂର୍ବର ଏକ ଜଣାଶୁଣା ସମ୍ବାଦପତ୍ରର ସଂପାଦକ ଓ ପ୍ରକାଶକଙ୍କୁ ନ୍ୟାୟାଳୟର ଅବମାନନା ମାମଲାର ଶୁଣାଣି କରିଥିଲେ । ସଂପାଦକ ଓ ପ୍ରକାଶକ ହେଉଛନ୍ତି ମହିଳା। ଏ ଦୁଇ ମହିଳାଙ୍କୁ ଦୁଇ ଲକ୍ଷ ଟଙ୍କାର ଜରିମାନା ଏକ ସପ୍ତାହ ଭିତରେ ଜମା କରିବାକୁ ନିର୍ଦ୍ଦେଶ ଦେଇଛନ୍ତି। ତାହା ନ କରିଲେ ଛଅ ମାସ କାରାଦଣ୍ଡ ଓ ସମ୍ବାଦପତ୍ର ଉପରେ ନିଷେଧାଜ୍ଞା ଜାରି କରିବାର ଦଣ୍ଡାଦେଶ ଦେଇଛନ୍ତି ନ୍ୟାୟାଳୟ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁଯାୟୀ ସିଲଙ୍ଗ୍ ଟାଇମ୍ସରେ ଗତ ବର୍ଷ ଡିସେମ୍ବର ୬ ଓ ୧୦ ତାରିଖରେ ପ୍ରକାଶିତ ଏକ ଲେଖା ସଂପର୍କରେ ନ୍ୟାୟାଳୟ ଖବରକାଗଜର ପ୍ରକାଶିକା ଶୋଭା ଚୌଧୁରୀ ଓ ସଂପାଦିକା ପେଟ୍ରିସିୟା ମୁଖିମଙ୍କ ବିରୁଦ୍ଧରେ ନ୍ୟାୟାଳୟରେ ଅବମାନନା ମାମଲା ରୁଜ୍ଜୁ ହୋଇଥିଲା। ଏହି ଲେଖାରେ ଜଣେ ଅବସରପ୍ରାପ୍ତ ବିଚାରପତି ଓ ତାଙ୍କ ପରିବାର ଲୋକଙ୍କୁ ଅଧିକ ସୁବିଧା ଦେବା ପାଇଁ ନ୍ୟାୟାଳୟର ଆଦେଶ ଦିଆଯାଇଥିଲା ବୋଲି ଲେଖାଯାଇଥିଲା, ଯାହାକୁ ନ୍ୟାୟାଳୟରେ ଚାଲେଂଜ୍ କରାଯାଇଥିଲା।
ଜଷ୍ଟିସ୍ ମହମ୍ମଦ ୟାକୁବ୍ ମୀର ଓ ଏସ୍ ଆର୍ସେନ୍ଙ୍କ ଖଣ୍ଡପୀଠ ଏହି ମାମଲାର ବିଚାର କରି ଏଭଳି ଦଣ୍ଡାଦେଶ ଦେଇଛନ୍ତି। ଏଠାରେ ସୂଚନାଯୋଗ୍ୟ ୧୯୪୫ରୁ ପ୍ରକାଶିତ ସମ୍ବାଦପତ୍ର ସିଲଙ୍ଗ ଟାଇମ୍ସ ମେଘାଳୟରୁ ପ୍ରକାଶିତ ସର୍ବ ପୁରାତନ ଇଂରାଜି ଦୈନିକ।