ବାଂଲାଦେଶରେ ଯେବେବି ସଂକଟ ଆସିଛି, ଗାଦି ହରାଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: ଏହାକୁ ଏକ ସୌଭାଗ୍ୟ କୁହନ୍ତୁ ନା ଅନ୍ୟ କିଛି... କିନ୍ତୁ ବାଂଲାଦେଶରେ ଯେତେବେଳେ ବି ବଡ଼ ରାଜନୈତିକ ସଙ୍କଟ କିମ୍ବା ବିଦ୍ରୋହ ଦେଖାଦେଇଛି, ସେତେବେଳେ ପଶ୍ଚିମବଙ୍ଗ ସରକାର ବିପର୍ଯ୍ୟୟରେ ପଡ଼ିଛନ୍ତି। ବାଂଲାଦେଶର ସଙ୍କଟ ପଶ୍ଚିମବଙ୍ଗର ୨ ମୁଖ୍ୟମନ୍ତ୍ରୀଙ୍କ ଚୌକି ନେଇଯାଇଥିଲା । ସେଠାରେ ସୃଷ୍ଟି ହୋଇଥିବା ସଙ୍କଟ ଯୋଗୁଁ ରାଜ୍ୟକୁ ଜ୍ୟୋତି ବସୁଙ୍କ ଭଳି ମୁଖ୍ୟମନ୍ତ୍ରୀ ମଧ୍ୟ ମିଳିଥିଲା । ୫୩ ବର୍ଷ ପରେ ବାଂଲାଦେଶରେ ହୋଇଥିବା ରାଜନୈତିକ ଭୂମିକମ୍ପ ପୁଣି ଥରେ ବଙ୍ଗଳା ରାଜନୀତିକୁ ସରଗରମ କରିଛି।

୧୯୬୭  :

୧୯୬୪ ମସିହାରେ ତତ୍କାଳୀନ ପୂର୍ବ ପାକିସ୍ତାନରେ ଧାର୍ମିକ ଓ ରାଜନୈତିକ ପ୍ରସଙ୍ଗକୁ ନେଇ ଅଚଳାବସ୍ଥା ସୃଷ୍ଟି ହୋଇଥିଲା। ପାକ୍ ସେନାର ସମର୍ଥନରେ ବାଂଲାଦେଶ ମୁକ୍ତିର ହିନ୍ଦୁ ଓ ଲୋକଙ୍କୁ ହତ୍ୟା କରିବା ଆରମ୍ଭ ହୋଇଥିଲା। ଲୋକେ ଭୟରେ ପଳାୟନ କରିବା ଆରମ୍ଭ କରିଥିଲେ। ସେହି ସମୟରେ ଭାରତରେ ୬ ଲକ୍ଷ ଲୋକ ଆଶ୍ରୟ ନେଇଥିଲେ। ଅଧିକାଂଶ ବାଂଲାଦେଶୀ ଶରଣାର୍ଥୀ ବଙ୍ଗଳାର ବିଭିନ୍ନ ସ୍ଥାନରେ ରହୁଥିଲେ। ସେତେବେଳେ ପଶ୍ଚିମବଙ୍ଗରେ କଂଗ୍ରେସ ସରକାର ଥିଲା ଏବଂ ମୁଖ୍ୟମନ୍ତ୍ରୀ ଥିଲେ ପ୍ରଫୁଲ୍ଲ ଚନ୍ଦ୍ର ସେନ୍ । ୧୯୬୭ ରେ ପଶ୍ଚିମବଙ୍ଗରେ ନିର୍ବାଚନ ହୋଇଥିଲା ଏବଂ କଂଗ୍ରେସ ପରାଜିତ ହୋଇଥିଲା । ରାଜ୍ୟରେ ପ୍ରଥମ ଥର ପାଇଁ ଅଣକଂଗ୍ରେସ ଦଳର ସରକାର ଗଠନ ହୋଇଥିଲା। ଅଜୟ ମୁଖାର୍ଜୀଙ୍କୁ ମୁଖ୍ୟମନ୍ତ୍ରୀ କରାଯାଇଥିଲା।

୧୯୭୭:

୧୯୭୧ରେ ମୁକ୍ତି ଆନ୍ଦୋଳନ ଏବଂ ପରେ ୧୯୭୫ରେ ବଙ୍ଗବନ୍ଧୁ ଶେଖ ମୁଜିବୁର ରହମାନଙ୍କ ହତ୍ୟା ଦ୍ୱାରା ବାଂଲାଦେଶ ସ୍ତବ୍ଧ ହୋଇଯାଇଥିଲା। ଲୋକେ ଜୀବନ ବିକଳରେ ଭାରତକୁ ପଳାୟନ କରୁଥିଲେ। ଏହି ସମୟରେ ମଧ୍ୟ ବହୁ ସଂଖ୍ୟକ ଲୋକ ବାଂଲାଦେଶରୁ ପଶ୍ଚିମବଙ୍ଗକୁ ଚାଲି ଆସିଥିଲେ। କୁହାଯାଉଛି ଯେ ସେହି ସମୟରେ ବଙ୍ଗଳାରୁ ପ୍ରାୟ ୧୦ ନିୟୁତ ଶରଣାର୍ଥୀ ଭାରତକୁ ଆସିଥିଲେ। ବାଂଲାଦେଶ ଆନ୍ଦୋଳନ ନାଁରେ ୧୯୭୧ରେ କ୍ଷମତାକୁ ଆସିଥିବା କଂଗ୍ରେସ ୧୯୭୭ରେ ସେହି ବାଂଲାଦେଶ ନାମରେ ହାରିଯାଇଥିଲା। ଏହି ସମୟରେ ରାଜ୍ୟର ମୁଖ୍ୟମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଘନିଷ୍ଠ ସହଯୋଗୀ ସିଦ୍ଧାର୍ଥ ଶଙ୍କର ରାୟ ଥିଲେ। ରାୟଙ୍କ ପରାଜୟ ପରେ ରାଜ୍ୟରେ ଜ୍ୟୋତି ବସୁ ମୁଖ୍ୟମନ୍ତ୍ରୀ ହୋଇଥିଲେ ।

ଏବେ ପୁଣି ଥରେ ରାଜନୈତିକ ସଂକଟ ଦେଖାଦେଇଛି । ଭାରତକୁ ଶରଣାର୍ଥୀ ଛୁଟିବାର ସମ୍ଭାବନା ରହିଛି । ଏହା ପଶ୍ଚିମବଙ୍ଗରେ ଏକ ସଂବେଦନଶୀ​ଳ ସମସ୍ୟା । ଏଣୁ ଏହାକୁ ନେଇ ଚିନ୍ତାରେ ଅଛନ୍ତି ମମତା ବାନାର୍ଜୀ ।