ଏଭଳି ଟୁଇଟ କରି ଇଦ୍ ଅଲ-ଅଦା ଅବସରରେ ସାରା ଦେଶବାସୀଙ୍କୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦି
ନୂଆଦିଲ୍ଲୀ: ଶନିବାର ଦିନ ସାରା ବିଶ୍ୱରେ ଏବଂ ଭାରତରେ ଇଦ୍ ଅଲ-ଅଦା ପାଳନ କରାଯାଉଛି | ଏହି ଅବସରରେ ସମସ୍ତ ଭାରତବାସୀଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଦର ଶୁଭେଚ୍ଛା ଜଣାଇଛନ୍ତି। ଶନିବାର ସକାଳେ ଏକ ଟୁଇଟ୍ରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ଇଦ୍ ମୁବାରକ! ଇଦ୍ ଅଲ-ଅଦା ଅବସରରେ ଶୁଭେଚ୍ଛା | ଏହି ଦିନ ଆମକୁ ଏକ ନ୍ୟାୟପୂର୍ଣ୍ଣ, ସୁସଂଗତ ଏବଂ ଅନ୍ତର୍ଭୂକ୍ତ ସମାଜ ଗଠନ ପାଇଁ ପ୍ରେରଣା ଦେଉ | ଭାଇଚାରା ଏବଂ କରୁଣାର ଆତ୍ମା ଆଗକୁ ବଢ଼ୁ | ”
Sambad is now on WhatsApp
Join and get latest news updates delivered to you via WhatsApp
Eid Mubarak!
Greetings on Eid al-Adha. May this day inspire us to create a just, harmonious and inclusive society. May the spirit of brotherhood and compassion be furthered.
— Narendra Modi (@narendramodi) August 1, 2020
ପ୍ରଧାନମନ୍ତ୍ରୀଙ୍କ ବ୍ୟତୀତ ରାଷ୍ଟ୍ରପତି ରାମ ନାଥ କୋବିନ୍ଦ ମଧ୍ୟ ଶୁକ୍ରବାର ସନ୍ଧ୍ୟାରେ ଇଦ୍ ଅଲ-ଅଦା ଅବସରରେ ଲୋକଙ୍କୁ ଶୁଭେଚ୍ଛା ଜଣାଇବା ସହ ଇଦ୍ ପର୍ବ ପାଳନ କରୁଥିବା ସମୟରେ କରୋନାଭାଇରସ୍ ମହାମାରୀକୁ ଦୃଷ୍ଟିରେ ରଖି ସାମାଜିକ ଦୂରତା ନିର୍ଦ୍ଦେଶାବଳୀ ଅନୁସରଣ କରିବାକୁ କହିଥିଲେ। ରାଷ୍ଟ୍ରପତି କୋବିନ୍ଦ ଭାରତୀୟମାନଙ୍କୁ ଅନ୍ୟମାନଙ୍କ ସହ ସୁଖ ବାଣ୍ଟିବାକୁ ଏବଂ ଏହି ଅବସରରେ ପାରସ୍ପରିକ ସମନ୍ୱୟ ରକ୍ଷା କରିବାକୁ ଅନୁରୋଧ କରିଥିଲେ।
ଇଦ୍ ଅଲ-ଅଦା ବଳିଦାନ ଏବଂ ବନ୍ଧୁତ୍ୱର ଆତ୍ମାର ପ୍ରତୀକ, ଯାହାକି ଲୋକଙ୍କୁ ସମସ୍ତଙ୍କ କଲ୍ୟାଣ ପାଇଁ କାର୍ଯ୍ୟ କରିବାକୁ ପ୍ରେରଣା ଯୋଗାଇଥାଏ ବୋଲି ରାଷ୍ଟ୍ରପତି କହିଥିଲେ। ଉପରାଷ୍ଟ୍ରପତି ଏମ ଭେଙ୍କୟା ନାଇଡୁ ମଧ୍ୟ ଇଦ୍ ଅଲ-ଅଦା ଅବସରରେ ଲୋକଙ୍କୁ ଅଭିବାଦନ ଜଣାଇବା ସହ କୋଭିଡ-୧୯ ମହାମାରୀ ମଧ୍ୟରେ ଘରେ ରହି ପାଳନ କରିବାକୁ କହିଥିଲେ।