ବେଲଗାବୀ: କର୍ଣ୍ଣାଟକର ବେଲଗାବୀରେ ଏକ ବୃଦ୍ଧ ଦମ୍ପତିଙ୍କ ସହ ହୃଦୟ ବିଦାରକ ଘଟଣା ଘଟିଛି। ବୃଦ୍ଧ ଦମ୍ପତିମାନେ ସାଇବର ଠକେଇର ଶିକାର ହୋଇଥିଲେ। ଠକମାନେ ତାଙ୍କୁ ନିରନ୍ତର ଧମକ ମଧ୍ୟ ଦେଉଥିଲେ। ଏହା ପରେ ଭୟ ଏବଂ ମାନସିକ ଚାପରେ ବିଚଳିତ ହୋଇ ଦୁହେଁ ଆତ୍ମହତ୍ୟା କରିଛନ୍ତି। ଦିଲ୍ଲୀ କ୍ରାଇମ୍ ବ୍ରାଞ୍ଚର ଅଧିକାରୀ ବୋଲି କହି ଠକମାନେ ତାଙ୍କୁ ଏକ ମିଥ୍ୟା ମାମଲାରେ ଫସାଇ ଦେବାକୁ ଧମକ ଦେଇଥିଲେ। ଆକଳନ କରାଯାଉଛି ଯେ, ୫୦ ଲକ୍ଷ ଟଙ୍କାରୁ ଅଧିକ ଟଙ୍କା ଠକମାନେ ଦମ୍ପତ୍ତିଙ୍କଠାରୁ ଲୁଟି ନେଇଥିଲେ।

Advertisment

ସୂଚନା ଅନୁଯାୟୀ, ଘଟଣାଟି କର୍ଣ୍ଣାଟକର ବେଲଗାବୀରେ ଥିବା ନନ୍ଦଗଡ ଗାଁରେ ଘଟିଛି। ଏଠାରେ ୮୩ବର୍ଷୀୟ ଡିଆଙ୍ଗୋ ନଜରତ ତାଙ୍କ ୭୯ବର୍ଷୀୟ ପତ୍ନୀ ପ୍ଲେବିୟାନା ନଜରତଙ୍କ ସହ ରହୁଥିଲେ। ଅବସରପ୍ରାପ୍ତ ଦମ୍ପତି ପୂର୍ବରୁ ମହାରାଷ୍ଟ୍ର ମନ୍ତ୍ରାଳୟରେ କାର୍ଯ୍ୟ କରୁଥିଲେ ଏବଂ ସେମାନଙ୍କର ପାଖରେ କୌଣସି ସମ୍ପର୍କୀୟ ନଥିଲେ। ସାଇବର ଅପରାଧୀମାନେ ନିଜକୁ ଦିଲ୍ଲୀ କ୍ରାଇମବ୍ରାଞ୍ଚର ଅଧିକାରୀ ବୋଲି ପରିଚୟ ଦେଇ ବୃଦ୍ଧ ଦମ୍ପତିଙ୍କ ସହ ଯୋଗାଯୋଗ କରିଥିଲେ। ଏକ ଭିଡିଓ କଲ୍ ମଧ୍ୟ କରାଯାଇଥିଲା ଏବଂ ତାଙ୍କୁ ମିଥ୍ୟା ମାମଲାରେ ଫସାଇ ଦିଆଯିବାକୁ ଧମକ ଦିଆଯାଇଥିଲା। ଠକମାନେ ପୀଡିତଙ୍କୁ କହିଥିଲେ ଯେ ତାଙ୍କର ମୋବାଇଲ୍ ଆଇଡି ଏବଂ ଡକ୍ୟୁମେଣ୍ଟଗୁଡ଼ିକ କୌଣସି ଅପରାଧିକ କାର୍ଯ୍ୟକଳାପରେ ବ୍ୟବହାର କରାଯାଇଛି ଏବଂ ତାଙ୍କୁ ୫ଲକ୍ଷ ଜରିମାନା ଦେବାକୁ କହିଥିଲେ। ଭୟଭୀତ ଦମ୍ପତି ଠକମାନଙ୍କୁ ଏହି ପରିମାଣ ଦେଇଥିଲେ। କିନ୍ତୁ ଏହା ପରେ ଧମକ ଦେଇ ଅଧିକ ଟଙ୍କା ଦାବି କରିଚାଲିଥିଲେ ଲୁଟେରା। ଠକମାନେ ବିଭିନ୍ନ ବାହାନାରେ ତାଙ୍କଠାରୁ ୫୦ ଲକ୍ଷରୁ ଅଧିକ ଟଙ୍କା ଠକି ନେଇଥିଲେ।

ବାରମ୍ବାର ଧମକ ପାଇ ଏବଂ ଏତେ ଟଙ୍କା ହରାଇବା ପରେ ଚାପଗ୍ରସ୍ତ ହୋଇ ଜୀବନ ହାରିଥିଲେ ଦମ୍ପତି।

elderly-couple-duped | cyber-fraud-extorted