ଜି-୨୦ ଅଧ୍ୟକ୍ଷତାକୁ ନେଇ ଭାରତରେ ନିର୍ବାଚନ ପ୍ରଚାର ହେଉଛି: ଜୟରାମ ରମେଶ
ନୂଆଦିଲ୍ଲୀ : କେନ୍ଦ୍ରରେ ମୋଦୀ ସରକାରକୁ କଡ଼ା କଟାକ୍ଷ କରି କଂଗ୍ରେସ ନେତା ଜୟରାମ ରମେଶ ଆଜି କହିଛନ୍ତି, ଜି-୨୦ ଅଧ୍ୟକ୍ଷତାକୁ ନେଇ ଭାରତରେ ନିର୍ବାଚନ ପ୍ରଚାର ହେଉଛି। ଭାରତକୁ ଛାଡ଼ିଦେଲେ ଅନ୍ୟ କୌଣସି ବି ରାଷ୍ଟ୍ର ଏଭଳି କାର୍ଯ୍ୟ କରିନାହାନ୍ତି। ରମେଶ ଆଜି ଏକ ଟ୍ବିଟ୍ କରି କହିଛନ୍ତି ଯେ ୟୁରୋପୀୟ ରାଷ୍ଟ୍ର ସମେତ ଜି-୨୦ରେ ମୋଟ୍ ୧୯ଟି ରାଷ୍ଟ୍ର ଅଛନ୍ତି। ୧୭ଟି ରାଷ୍ଟ୍ରରେ ଜି-୨୦ର ବାର୍ଷିକ ସମ୍ମିଳନୀ ହୋଇସାରିଛି। ଭାରତ ଅଷ୍ଟାଦଷ ବାର୍ଷିକ ସମ୍ମିଳନୀର ଅଧ୍ୟକ୍ଷତା କରୁଛି।
Sambad is now on WhatsApp
Join and get latest news updates delivered to you via WhatsApp
ତେବେ ଭାରତ ପରି ଅନ୍ୟ କୌଣସି ବି ରାଷ୍ଟ୍ର ଜି-୨୦ ଅଧ୍ୟକ୍ଷତାକୁ ନେଇ ନିର୍ବାଚନ ପ୍ରଚାର କରିନାହାନ୍ତି। ଭାରତ ଜି-୨୦ ଅଧ୍ୟକ୍ଷତାକୁ ନେଇ ନିର୍ବାଚନ ପ୍ରଚାର କରିଛି ବୋଲି ରମେଶ କହିଛନ୍ତି। ଉଲ୍ଲେଖଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂର୍ବରୁ କହିଥିଲେ ଯେ ଭାରତର ଜି-୨୦ ଅଧ୍ୟକ୍ଷତା ସମଗ୍ର ବିଶ୍ବକୁ ଦେଶର ଶକ୍ତି ଦେଖାଇବାପାଇଁ ଏକ ବିରଳ ସୁଯୋଗ।