୧୩ ଦିନରେ ଏଲୋନ୍ ମସ୍କ ଜିତିଗଲେ ଟ୍ୱିଟରକୁ କିଣିବାର ଯୁଦ୍ଧ
ନୂଆଦିଲ୍ଲୀ: ସୋସିଆଲ ମିଡ଼ିଆ ଟ୍ୱିଟରର ନୂଆ ମାଲିକ ହେଲେ ଟେସଲା ସିଇଓ ଏଲୋନ୍ ମସ୍କ | ସୋସିଆଲ ମିଡିଆରେ ବହୁତ ସକ୍ରିୟ ଏଲୋନ୍ ମସ୍କ ବର୍ତ୍ତମାନ ଟ୍ୱିଟରର ନୂତନ ମାଲିକ ହୋଇଛନ୍ତି | ବାସ୍ତବରେ, ଏଲୋନ୍ ମସ୍କ ଟ୍ୱିଟରକୁ ସେୟାର ପିଛା ୫୪.୨୦ ଡଲାରରେ କିଣିବାକୁ ଅଫର୍ ଦେଇଥିଲେ, ଯାହାକୁ ସୋମବାର ବିଳମ୍ବିତ ରାତିରେ ଟ୍ୱିଟର ବୋର୍ଡ ଗ୍ରହଣ କରିନେଇଛି | ଟ୍ୱିଟର ପକ୍ଷରୁ କୁହାଯାଇଛି ଯେ ମସ୍କ ୪୪ ବିଲିୟନ ଆମେରିକୀୟ ଡଲାର ଦେଇ କମ୍ପାନିକୁ କିଣିଛନ୍ତି | ସୂଚନା ,ମୁତାବକ ଆମେରିକାର ବୈଦ୍ୟୁତିକ କାର ନିର୍ମାତା ଟେସଲା ସିଇଓ ଏଲୋନ୍ ମସ୍କ ଏପ୍ରିଲ୍ ୧୪ରେ ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟରକୁ ସେୟାର ପିଛା ୫୪.୨୦ ଡଲାରରେ କିଣିବାକୁ ପ୍ରସ୍ତାବ ଦେଇଥିଲେ |
Sambad is now on WhatsApp
Join and get latest news updates delivered to you via WhatsApp
ଏହି ହାରରେ ଟ୍ୱିଟରର ମୂଲ୍ୟ ୪୧ ବିଲିୟନ ଡ଼ଲାରରେ ପରିଣତ ହେଉଥିଲା। ଟ୍ୱିଟରରେ ୯.୨ ପ୍ରତିଶତ ଅଂଶଧନ କିଣିବା ପରେ ମସ୍କ ଅଫର ଦେଇଥିଲେ | ଅନେକ ଟ୍ୱିଟର ଅଂଶୀଦାରଙ୍କ ଦ୍ୱାରା ମସ୍କଙ୍କ ଅଫରକୁ ବିରୋଧ କରାଯାଇଥିଲା |
ଟ୍ବିଟରକୁ କିଣିବା ଲାଗି ମସ୍କ ପ୍ରଥମେ ପ୍ରସ୍ତାବ ଦେବା ପରେ ତାହାକୁ ଟ୍ବିଟର୍ର ପରିଚାଳନା କର୍ତ୍ତୃପକ୍ଷ ବିରୋଧ କରିଥିଲେ। ତାହାକୁ ବଳପୂର୍ବକ ଅଧିଗ୍ରହଣ ବୋଲି କହିବା ସହ ଦରକାର ପଡ଼ିଲେ ଏହି ଅଧିଗ୍ରହଣକୁ ରୋକିବା ଲାଗି ‘ପଏଜନ୍ ପିଲ୍’ ବ୍ୟବସ୍ଥା ଗ୍ରହଣ କରାଯିବ ବୋଲି କହିଥିଲେ। ପରେ ମସ୍କ କ୍ରୟ ପରିମାଣକୁ ୪୬.୫ ବିଲିୟନ ଡ଼ଲାରକୁ ବୃଦ୍ଧି କରିଥିଲେ । ଶେଷରେ, ୧୩ ଦିନ ପରେ, ମସ୍କ ଟ୍ୱିଟର କିଣିବାକୁ ସକ୍ଷମ ହୋଇଯାଇଛନ୍ତି |