ନ୍ୟୁୟର୍କ : ଟୁଇଟରର ନୂଆ ମାଲିକ ଏଲନ ମସ୍କ ଆଜି ଏକ ଅଦ୍ଭୁତ ପ୍ରକାରର ଟୁଇଟ କରିଛନ୍ତି । ସେ ନିଜ ଶଯ୍ୟା ପାଖରେ ରଖାଯାଉଥିବା ଟେବୁଲର ଫଟୋ ସେୟାର କରିଛନ୍ତି । ଏଥିରେ ଦେଖାଯାଉଛି ଯେ ଉକ୍ତ ଟେବୁଲରେ କେତେକ ଡାଏଟ୍ କୋକ୍ କେନ, ଦୁଇଟି ରିଭରବଲ ଓ ଆମେରିକୀୟ ସ୍ବାଧିନତା ସଂଗ୍ରାମ ଦେଖାଉଥିବା ଏକ ପେଣ୍ଟିଂ । ଏହା ସହିତ ସେ ଲେଖିଛନ୍ତି ମାଇଁ ବେଡସାଇଡ୍ ଟେବୁଲ (ମେ ଶଯ୍ୟାକଡ଼ ଟେବୁଲ) ।
Sambad is now on WhatsApp
Join and get latest news updates delivered to you via WhatsApp
ଦୁଇଟି ଯାକ ବନ୍ଧୁକ ମଧ୍ୟରୁ ଗୋଟିଏ ଏକ ପୁରୁଣା ଆଣ୍ଟିକ୍ ବନ୍ଧୁକ ହୋଇଥିବାବେଳେ ଅନ୍ୟଟି ଏକ ଖେଳନା ବନ୍ଧୁକ ପରି ମନେହେଉଛି ।
ମସ୍କ ନିଜେ ଟୁଇଟରରେ ଏହି ଟୁଇଟର ଏକ ରିପ୍ଲାଏ ଦେଇ ଲେଖିଛନ୍ତି ଯେ ବୋଲତର ଘୋଡ଼ଣି ନାହିଁ, ଏଥିପାଇଁ କୌଣସି ବାହାନା କରୁନି ।
ତାଙ୍କର ଏହି ଟୁଇଟ୍ ଆଜି ସୋସିଆଲ ମିଡିଆରେ ବେଶ ଚର୍ଚ୍ଚାର ବିଷୟ ହୋଇଛି । ସେ ଏହି ଟୁଇଟ କରିବାର ମାତ୍ର କିଛି ଘଣ୍ଟା ମଧ୍ୟରେ ହଜାର ହଜାର ଲୋକ ଲାଇକ୍ ଓ ରିଟ୍ବିଟ୍ କରିଛନ୍ତି ।
ଜଣେ ୟୁଜର ଲେଖିଛନ୍ତି ଡାଏଟ୍ କୋକ ପିଇବା ସ୍ବାସ୍ଥ୍ୟ ପାଇଁ ହାନୀକାରକ । ଆଉ ଜଣେ ଲେଖିଛନ୍ତି, ଆପଣ ବନ୍ଧୁକ ଅଧିକାରକୁ ସମର୍ଥନ କରୁଛନ୍ତି କି ? ମୁଁ ଭାବୁଥିଲି ଆପଣ ଶାନ୍ତିର ସମର୍ଥକ ବୋଲି ।
ଆଉ ଏକ ଟୁଇଟରେ ମସ୍କ ଲେଖିଛନ୍ତି ଯେ ଗୋଟିଏ ଟୁଇଟ ପାଇଁ ସର୍ବାଧିକ ଅକ୍ଷର ସୀମା ୨୮୦ରୁ ୪୨୦କୁ ବଢାଇବା ଏକ ଭଲ ଆଇଡିଆ ।