ବଦଳିଲା ଜରୁରୀକାଳୀନ ନମ୍ବର : ୧୦୦ ପରିବର୍ତ୍ତେ ଡାଏଲ୍ କରିବାକୁ ହେବ ଏହି ନମ୍ବର
ନୂଆଦିଲ୍ଲୀ : କୌଣସି ଜରୁରୀକାଳିନ ପରିସ୍ଥିତିରେ ଲୋକଙ୍କୁ ୧୦୦ନମ୍ବର ଡାଏଲ କରିବାକୁ କୁହାଯାଇଥାଏ, ଯାହା ପରେ ତାଙ୍କ ପାଖରେ ସହାୟତା ପହଞ୍ଚିଥାଏ । କିନ୍ତୁ ଏବେ ୧୦୦ ନମ୍ବର ପରିବର୍ତ୍ତେ ୧୧୨ ନମ୍ବର ଡାଏଲ କରିବାକୁ ହେବ । ଦିଲ୍ଲୀରେ ତତ୍କାଳ ସହାୟତା ପାଇଁ ଲୋକେ ୧୦୦, ୧୦୧ ଓ ୧୦୨ ନମ୍ବର ଡାଏଲ କରୁଥିବା ବେଳେ ଏବେ ୩ଟି ନମ୍ବରକୁ ହଟାଯାଇ ଗୋଟେ ଜରୁରୀକାଳୀନ ନମ୍ବର ଜାରି କରାଯାଇଛି । ଦିଲ୍ଲୀ ପୁଲିସ ବୁଧବାର ଜରୁରୀକାଳିନ ନମ୍ବର ୧୧୨କୁ ଲଞ୍ଚ କରିବା ସହ ବୁଧବାରଠାରୁ ହିଁ ଏହାକୁ ଚାଲୁ କରି ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ପୁଲିସକୁ ସଂପର୍କ କରିବା ପାଇଁ ୧୦୦, ଆମ୍ବୁଲାନ୍ସ ପାଇଁ ୧୦୮, ଅଗ୍ନିଶମ ବିଭାଗ ପାଇଁ ୧୦୧ ଓ ମହିଳା ହେଲ୍ପଲାଇନ୍ ଭାବେ ୧୦୯୦ ଡାଏଲ କରିବାକୁ ପଡ଼ୁଥିବା ବେଳେ ଏବେ ଲୋକେ କେବଳ ୧୧୨ନମ୍ବର ଡାଏଲ କରି ସବୁ ସୁବିଧା ପାଇ ପରିବେ । ପୂର୍ବରୁ ଲୋକେ ୧୦୦ ବା ୧୦୧ ନମ୍ବର ଡାଏଲ କରି ଅଭିଯୋଗ କରୁଥିବା ବେଳେ ପୁଲିସ କଣ୍ଟ୍ରୋଲ ରୁମ୍ରେ ଅଭିଯୋଗ ରଖାଯାଉଥିଲା । ପରେ କଣ୍ଟ୍ରୋଲ ରୁମ୍ରୁ ଅଭିଯୋଗ ଆସିଥିବା ଅଞ୍ଚଳରେ ଥିବା ପୁଲିସ ଷ୍ଟେସନକୁ ଏହି ଖବର ଦିଆଯାଉଥିଲା । କିନ୍ତୁ ଏବେ ୧୧୨ ନମ୍ବର ଡାଏଲ କରିବା ମତ୍ରେ ନିଜ ଅଞ୍ଚଳରେ ଥିବା ପୁଲିସ ଷ୍ଟେସନକୁ ସିଧାସଳଖ ଭାବେ ଅଭିଯୋଗ ପହଞ୍ଚିବ ।