ମୁଖ୍ୟ ନିର୍ବାଚନ କମିସନର ରାଜୀବ କୁମାରଙ୍କ ହେଲିକପ୍ଟରର ଜରୁରୀକାଳୀନ ଅବତରଣ

ପିଥୋରାଗଡ: ପ୍ରତିକୂଳ ପାଗ ଯୋଗୁଁ ବୁଧବାର ଦିନ ଉତ୍ତରାଖଣ୍ଡର ପିଥୋରାଗଡ ଜିଲ୍ଲାରେ ଭାରତର ମୁଖ୍ୟ ନିର୍ବାଚନ କମିଶନର (ସିଇସି)ଙ୍କୁ ନେଇ ଯାଉଥିବା ଏକ ହେଲିକପ୍ଟର ଜରୁରୀକାଳୀନ ଅବତରଣ କରିଛି। ଖରାପ ପାଗ ଯୋଗୁ ପାଇଲଟ୍ ମୁନ୍ସିୟାରି ନିକଟ ଏକ ଦୁର୍ଗମ ଅଞ୍ଚଳରେ ଥିବା ରାଲାମରେ ହେଲିକପ୍ଟର ଅବତରଣ କରିବାକୁ ବାଧ୍ୟ ହୋଇଛନ୍ତି। ଚପରଟି ମିଲାମ ଅଭିମୁଖେ ଯାଉଥିଲା।

ଘଟଣା ସମୟରେ ରାଜ୍ୟ ଡେପୁଟି ମୁଖ୍ୟ ନିର୍ବାଚନ ଅଧିକାରୀ ବିଜୟ କୁମାର ଜୋଗାଣ୍ଡେ ମଧ୍ୟ ହେଲିକପ୍ଟରରେ ଥିଲେ। ଉଭୟ ଅଧିକାରୀ ସୁରକ୍ଷିତ ଥିବା ଜଣାଯାଇଛି ଏବଂ କୌଣସି କ୍ଷୟକ୍ଷତି ହୋଇନାହିଁ।

ହେଲିକପ୍ଟରଟି ପାର୍ବତ୍ୟ ଅଞ୍ଚଳ ଉପରେ ଉଡ଼ୁଥିଲା ଯେତେବେଳେ ପାଗର ଅବସ୍ଥା ଖରାପ ହୋଇଥିବାରୁ  ଅପରାହ୍ନ ଗୋଟାଏ ସମୟରେ ପାଇଲଟଙ୍କୁ ଜରୁରୀକାଳୀନ ଅବତରଣ କରିବାକୁ ପଡିଥିଲା। ଅଧିକାରୀମାନେ ପରିସ୍ଥିତି ଉପରେ ନଜର ରଖିଛନ୍ତି। 

The helicopter carrying Chief Election Commissioner Rajiv Kumar and Additional Chief Election Officer of Uttarakhand Vijay Kumar Jogdand to Munsiyari has made an emergency landing in Pithoragarh district. All the people on board the helicopter are safe: Uttarakhand Government

— ANI (@ANI) October 16, 2024

ସ୍ଥାନୀୟ କର୍ତ୍ତୃପକ୍ଷଙ୍କୁ ସତର୍କ କରାଯାଇଛି । ପାଣିପାଗର ସ୍ଥିତି ଉପରେ କଡ଼ା ନଜର ରଖାଯିବା ସହିତ ସିଇସି ଏବଂ ତାଙ୍କ ସହ ଥିବା ଅଧିକାରୀଙ୍କ ସୁରକ୍ଷା ବୃଦ୍ଧି ପାଇଁ  ପଦକ୍ଷେପ ନିଆଯାଉଛି।