ଚାକିରିରୁ ଛଟେଇ ପରେ ରାଗରେ ଭାଙ୍ଗିଦେଲେ ୪୪ କୋଟି ଟଙ୍କାର ନୂଆ କାର

ମାଦ୍ରୀଦ: ଚାକିରିରୁ ଛଟେଇ ପରେ କ୍ରେନ ଲଗାଇ ଭାଙ୍ଗିଦେଲେ ୪୪ କୋଟି ଟଙ୍କାର ନୂଆ କାର | ପ୍ରସିଦ୍ଧ ଅଟୋମୋବାଇଲ ନିର୍ମାତା ମର୍ସିଡିଜ କଂପାନୀର ଜଣେ ପ୍ରାକ୍ତନ କର୍ମଚାରୀ ଏଭଳି କିଛି କାନ୍ଦ ଘଟାଇଛନ୍ତି |ମିଳିଥିବା ସୂଚନା ମୁତାବକ ସ୍ପେନର ଭିଟୋରିଆରେ ଥିବା ମର୍ସିଡିଜ୍ ପ୍ଲାଣ୍ଟ ଏହାର ଜଣେ କର୍ମଚାରୀଙ୍କୁ ଚାକିରିରୁ ଛଟେଇ କରିଥିଲା | ଏହା ପରେ କର୍ମଚାରୀ ଜଣକ ଏତେ ଉତକ୍ଷିପ୍ତ ହୋଇପଡିଥିଲେ ଯେ କ୍ରେନ ଲଗାଇ ଏକାଧିକ ନୂଆ କାରକୁ ନଷ୍ଟ କରିଦେଇଛନ୍ତି |

ଗଣମାଧ୍ୟମ ରିପୋର୍ଟ ଅନୁଯାୟୀ, ୩୮ ବର୍ଷ ବୟସ୍କ ବ୍ୟକ୍ତି ଏକ କ୍ରେନ ମାଧ୍ୟମରେ ୫୦ ଟି ନୂଆ କାରକୁ ନଷ୍ଟ କରିଦେଇଛନ୍ତି। ସୂଚନା ମୁତାବକ କମ୍ପାନୀର ଏହି ପୂର୍ବତନ କର୍ମଚାରୀ ପ୍ଲାଣ୍ଟରେ ୬ ମିଲିୟନ୍ ଡଲାରର କ୍ଷତି କରିଛନ୍ତି। ଚାକିରିରୁ ଛଟେଇ ହେବା ପରେ ଡିସେମ୍ବର ୩୧ ରାତିରେ ବ୍ୟକ୍ତି ଚୁପଚାପ ପ୍ଲାଣ୍ଟରେ ନୂଆ ଗାଡି ରଖାଯାଇଥିବା ପାର୍କିଙ୍ଗକୁ ଯାଇ ଏକ କ୍ରେନ ମାଧ୍ୟମରେ ଗାଡ଼ିଗୁଡ଼ିକୁ ନଷ୍ଟ କରିଦେଇଥିଲେ |

photo-car buzz

ଏହି ଘଟଣାର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପ୍ଲାଣ୍ଟର ସୁରକ୍ଷା କର୍ମୀ ସନ୍ଦିଗ୍ଧଙ୍କୁ ଅଟକାଇବା ସହ ପୁଲିସର ଜିମା ଦେଇଥିଲେ | ବର୍ତ୍ତମାନ ପୁଲିସ ଏହି ମାମଲାର ତଦନ୍ତ କରୁଛି।