କଶ୍ମୀରରେ ଏନକାଉଣ୍ଟର: ୩ ଆତଙ୍କବାଦୀ ଗିରଫ
ନୂଆଦିଲ୍ଲୀ: ବୁଧବାର ସକାଳେ ଜମ୍ମୁ ଓ କଶ୍ମୀରର ବୁଡଗାମ ଜିଲ୍ଲାରେ ସୁରକ୍ଷା ଯବାନ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଯବାନମାନେ ୩ ଆତଙ୍କବାଦୀଙ୍କୁ କାବୁ କରିଛନ୍ତି। ସମସ୍ତେ ଲସ୍କର ଇ ତୋଇବାର ବୋଲି କଶ୍ମୀର ଏଡିଜିପି ବିଜୟ କୁମାର କହିଛନ୍ତି। ଏହି ଆତଙ୍କବାଦୀଙ୍କ ମଧ୍ୟରେ ଥିବା ଲତିଫ ରାଦେର ବହୁ ସାଧାରଣ ଲୋକଙ୍କ ଜୀବନ ନେଇଛି। ମେ ମାସରେ କଶ୍ମୀର ପଣ୍ଡିତ ରହୁଲ ଭଟ ଓ କଶ୍ମୀର ଟିଭି ଅଭିନେତା ଅମ୍ରିନ ଭଟଙ୍କୁ ବି ସେ ହିଁ ଗୁଳି କରି ହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡିଛି।
Sambad is now on WhatsApp
Join and get latest news updates delivered to you via WhatsApp
ଗତ ରବିବାର ମଧ୍ୟ ଉକ୍ତ ଅଞ୍ଚଳରୁ ଜଣେ ଲସ୍କର ଇ ତୋଇବାର ଆତଙ୍କବାଦୀଙ୍କୁ ଯବାନମାନେ ଗିରଫ କରିଥିଲେ। ତା’ଠାରୁ ୫ ପିସ୍ତଲ, ୫ ମାଗାଜିନ, ୫୦ ରାଉଣ୍ଡ ଗୁଳି ଓ ଦୁଇ ହେଣ୍ଡ ଗ୍ରେନେଡ ଜବତ ହୋଇଥିଲା। ବୁଡଗାମର ଅନ୍ୟ ଅଞ୍ଚଳରେ ବି ଏନକାଉଣ୍ଟର କରାଯାଉଛି।