ପୁଲଓ୍ଵାମାରେ ସେନା-ଆତଙ୍କବାଦୀ ଗୁଳିବିନିମୟ ଜାରି, ୨ ଯବାନ ଆହତ
ଶ୍ରୀନଗର : ଦକ୍ଷିଣ କଶ୍ମୀରର ପୁଲଓ୍ଵାମା ଜିଲ୍ଲା ସ୍ଥିତ କାକପୋରା ଅଞ୍ଚଳରେ ଆଜି ଭାରତୀୟ ସେନା ଓ ଆତଙ୍କବାଦୀଙ୍କ ମଧ୍ୟରେ ଏକ ଗୁଳିବିନିମୟ ଚାଲିଛି । ଏହି ଏନକାଉଣ୍ଟରରେ ଭାରତୀୟ ସେନାର ଦୁଇ ଯବାନ ଆହତ ହୋଇଥିବା ଖବର ହସ୍ତଗତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୁତ୍ରରୁ ମିଳିଥିବା ସୂଚନା ଅନୁସାରେ କୋକପୋରା ଅଞ୍ଚଳର ମାରଓ୍ଵାଲ ଗ୍ରାମରେ କେତେକ ଆତଙ୍କବାଦୀ ଲୁଚିଥିବା ଗୁଇନ୍ଦା ସୂଚନା ମିଳିବା ପରେ ଭାରତୀୟ ସେନାର ୫୦-ରାଷ୍ଟ୍ରୀୟ ରାଇଫଲ୍ସ, ସ୍ଥାନୀୟ ପୁଲିସ ଓ ସିଆରପିଏଫ ପକ୍ଷରୁ ଏକ ମିଳିତ ଅପରେସନ ଆରମ୍ଭ ହୋଇଥିଲା । ସୁରକ୍ଷାବାହିନୀ ପକ୍ଷରୁ ଆତଙ୍କବାଦୀ ଲୁଚିଥିବା ଘରକୁ ଘେରିଯିବା ପରେ ଆତଙ୍କବାଦୀଙ୍କ ପକ୍ଷରୁ ଗୁଳିଚାଳନା ଆରମ୍ଭ ହୋଇଥିଲା । ଏଥିରେ ଭାରତୀୟ ସେନାର ଦୁଇ ଯବାନ ଆହତ ହୋଇଥିବା ଜଣାପଡ଼ିଛି ।
#Encounter has started at #Marwal area of #Pulwama. Police and security forces are on the job. Further details shall follow. @JmuKmrPolice
— Kashmir Zone Police (@KashmirPolice) September 15, 2020
ଉକ୍ତ ଘରେ ପ୍ରକୃତରେ କେତେ ସଂଖ୍ୟକ ଆତଙ୍କବାଦୀ ଲୁଚିଥିବା ଜଣାପଡ଼ିନଥିଲେ ମଧ୍ୟ ସେମାନେ ଦୁଇ କିମ୍ବା ତିନିଜଣ ହେବେ ବୋଲି ସେନା ଅନୁମାନ କରୁଛି । ମିଳିଥିବା ସର୍ବଶେଷ ସୂଚନା ଅନୁସାରେ ଏହି ଏନକାଉଣ୍ଟର ଜାରି ରହିଛି ।