ଭାଇ ସହିତ ଶତ୍ରୁତା, ପୁତୁରା ସହ ପ୍ରେମ: ଉଦ୍ଧବ ଠାକରେଙ୍କ ରଣନୀତି

ମୁମ୍ବାଇ: ମହାରାଷ୍ଟ୍ର ନିର୍ବାଚନରେ ​​ଅନେକ ଆସନ ଅଛି ଯେଉଁଥିରେ ପରିବାର ସଦସ୍ୟ ପରସ୍ପର ବିରୋଧରେ ପ୍ରତିଦ୍ୱନ୍ଦ୍ୱିତା କରୁଛନ୍ତି। କିନ୍ତୁ ସବୁଠାରୁ ଆକର୍ଷଣୀୟ ପ୍ରତିଯୋଗିତା ହେଉଛି ଦାଦର-ମହୀମ ଆସନରେ, ଯାହାକୁ ଶିବସେନାର ଗଡ଼ କୁହାଯାଏ।  ରାଜ ଠାକରେଙ୍କ ପୁଅ ଅମିତ ଠାକରେ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ମହାଭିକାଶ ଅଘାଡ଼ି ଏବଂ ମହାୟୁତି ମଧ୍ୟ ଏଠାରେ ପ୍ରାର୍ଥୀ ଦେଇଛନ୍ତି।

ସମସ୍ତ ଦଳ ଭୋଟରଙ୍କୁ ହାତେଇବାର ଉଦ୍ୟମ କରୁଛନ୍ତି। ଲଗାତାର ରାଲି କରୁଛନ୍ତି।  କିନ୍ତୁ ଉଦ୍ଧବ ଠାକରେଙ୍କ ଗୋଟିଏ ନିଷ୍ପତ୍ତି ବିଷୟରେ ଅନେକ ଆଲୋଚନା ହେଉଛି । କାରଣ ଉଦ୍ଧବ ଗୋଷ୍ଠୀ ନିଷ୍ପତ୍ତି ନେଇଛନ୍ତି ଯେ ଉଦ୍ଧବ ଠାକରେ କିମ୍ବା ତାଙ୍କ ପୁଅ ଆଦିତ୍ୟ ଠାକରେ ନିର୍ବାଚନ ପ୍ରଚାର ପାଇଁ ମହୀମ ଆସନକୁ ଯିବେ ନାହିଁ। ଏହା ଅମିତ ଠାକରେଙ୍କ ପାଇଁ ନୀରବ ସମର୍ଥନ ଭାବରେ ବିବେଚନା କରାଯାଉଛି। ଏହାର ଅର୍ଥ ଭାଇ ରାଜ ଠାକରେଙ୍କ ସହିତ ଶତ୍ରୁତା କିନ୍ତୁ ପୁତୁରା ପ୍ରତି ପ୍ରେମ ବୋଲି ରାଜ୍ୟ ରାଜନୈତିକ! ମହଲରେ ଚର୍ଚ୍ଚା ହେଉଛି।

ଉଦ୍ଧବ ଠାକରେ ଏବଂ ଆଦିତ୍ୟ ଠାକରେଙ୍କ ନିର୍ବାଚନ କାର୍ଯ୍ୟକ୍ରମ ପରେ ଅନେକ କଳ୍ପନାଜଳ୍ପନା ଚାଲିଛି। କୁହାଯାଉଛି ଯେ ଉଦ୍ଧବ ଠାକରେ କିମ୍ବା ଆଦିତ୍ୟ ଠାକରେ ମହୀମ ଆସନରେ କୌଣସି ସଭା କରିବେ ନାହିଁ। ସେମାନେ ସେଠାକୁ ଯିବେ ନାହିଁ । ମହାଭିକାଶ ଅଘାଡିର  ନେତାଙ୍କ ସହ ଉଦ୍ଧବ ଠାକରେଙ୍କ ପ୍ରଥମ ଜନ ସମାବେଶ  ୬ ନଭେମ୍ବରରେ ମୁମ୍ବାଇରେ ଅନୁଷ୍ଠିତ ହେଉଛି।

ଏହା ପରେ ଉଦ୍ଧବ ଠାକରେଙ୍କ ବୈଠକ ୧୭ ନଭେମ୍ବର ଦିନ ସନ୍ଧ୍ୟା ୭ଟାରେ ଏବଂ ୧୮ନଭେମ୍ବରରେ ଅପରାହ୍ନ ୩ ଟାରେ ଅନୁଷ୍ଠିତ ହେବ। ଆଦିତ୍ୟ ଠାକରେ ମଧ୍ୟ ମୁମ୍ବାଇର କିଛି ଆସନରେ ବୈଠକ କରିବାକୁ ଯାଉଛନ୍ତି।

ତେବେ ମହୀମରେ କୌଣସି ରାଲିରେ ସେମାନଙ୍କ ଅନୁପସ୍ଥିତିକୁ ନେଇ ଆଶ୍ଚର୍ଯ୍ୟ ପ୍ରକଟ କରାଯାଇଛି। ଉଦ୍ଧବ ଠାକରେ ଅମିତ ଠାକରେଙ୍କୁ ପରଦା ପଛରୁ ସାହାଯ୍ୟ କରୁଛନ୍ତି କି ବୋଲି ରାଜ୍ୟ ରାଜନୀତିରେ ଆଲୋଚନା ଆରମ୍ଭ ହୋଇଛି।

ନିର୍ବାଚନ ପୂର୍ବରୁ ମଧ୍ୟ ଉଦ୍ଧବ ଠାକରେ ଗୋଷ୍ଠୀ ମହୀମ ଆସନ ନେଇ ଅତ୍ୟନ୍ତ ଗମ୍ଭୀର ଥିଲେ। ଶିବସେନାରେ ବିଭାଜନ ପରେ ମହେଶ ସାୱନ୍ତଙ୍କୁ ଆନୁଷ୍ଠାନିକ ଭାବରେ ସେଠାକର ଦାୟିତ୍ବ ପ୍ରଦାନ କରାଯାଇଥିଲା। ତେଣୁ, ଯେତେବେଳେ ଏକନାଥ ସିନ୍ଦେଙ୍କ ବିଦ୍ରୋହ ଘଟିଲା, ଏଠାରେ ଥିବା ସଂଗଠନ ଦୁର୍ବଳ ହୋଇ ନ ଥିଲା। ରାଜନୈତିକ ବିଶ୍ଳେଷକଙ୍କ ଅନୁଯାୟୀ ମହେଶ ସାୱନ୍ତ ଜଣେ ଶକ୍ତିଶାଳୀ ନେତା। ଯଦି ସେ ଅମିତ ଠାକରେଙ୍କୁ ସମର୍ଥନ କରିଥାନ୍ତେ, ତେବେ ସେ ସିଧାସଳଖ କରିଥାନ୍ତେ।  

ସେଠାରେ ଥିବା ନିର୍ବାଚନକୁ ନେଇ ଉଦ୍ଧବ ଠାକରେ ଗମ୍ଭୀର ଥିଲେ।  ତେଣୁ ସେ ଜଣେ ଶକ୍ତିଶାଳୀ ପ୍ରାର୍ଥୀ ମଧ୍ୟ ଦେଇଥିଲେ। ଶିବ ସୈନିକମାନେ ମଧ୍ୟ  ଜୋରଦାର ପ୍ରଚାର କରୁଛନ୍ତି। କିନ୍ତୁ ସେଭଳି ଗୁରୁତ୍ୱ ଦୃଶ୍ୟମାନ ହେଉ ନାହିଁ।

ଠାକରେ  ଗୋଷ୍ଠୀରୁ ମୁମ୍ବାଇରେ ପ୍ରାର୍ଥୀଙ୍କ ଏକ ବଡ଼ ବୈଠକ ହେବାକୁ ଯାଉଛି। ପ୍ରତ୍ୟେକ ନିର୍ବାଚନରେ ​​ଉଦ୍ଧବ ଠାକରେ ଏଭଳି ରାଲି କରନ୍ତି। ଏଥିରେ ଶିବସେନା ନେତା, ଜନ ପ୍ରତିନିଧୀ ତଥା ସଂଗଠନର ଲୋକମାନେ ସମସ୍ତ ଆସନରୁ ଅଂଶଗ୍ରହଣ କରନ୍ତି।

ଅଧିକ ପଢ଼ନ୍ତୁ: ସରକାରୀ କର୍ମଚାରୀ ଏବଂ ବିଚାରପତିଙ୍କ ବିରୋଧରେ ପିଏମ୍ଏଲ୍‌ଏ ମାମଲା ପୂର୍ବରୁ ଅନୁମତି ଜରୁରୀ: ସୁପ୍ରିମକୋର୍ଟ

ଶିବସେନା ସୂତ୍ରରୁ ପ୍ରକାଶ ଯେ ଏହା ପରେ ଆଦିତ୍ୟ ଠାକରେ ମହୀମ ଯାଇ ସେଠାରେ ଏକ ରାଲି କରିପାରନ୍ତି। କିନ୍ତୁ ତାଙ୍କ ଟାର୍ଗେଟ ଅମିତ ଠାକରେଙ୍କ ଉପରେ ରହିବା ତାହା ସମ୍ଭବ ନୁହେଁ। ଆଦିତ୍ୟ ଠାକରେ ତାଙ୍କ ପ୍ରାର୍ଥୀ ସଦା ସୌରଭଙ୍କ ପାଇଁ ସମର୍ଥନ ଲୋଡିବେ। ତେବେ ସେମାନଙ୍କ ସାକ୍ଷାତ ବିଷୟରେ ଏପର୍ଯ୍ୟନ୍ତ କିଛି କୁହାଯାଇ ନାହିଁ। ତେଣୁ ଚର୍ଚ୍ଚା ହେଉଛି  ଅମିତ ଠାକେରଙ୍କୁ ଉଦ୍ଧବଙ୍କ ଦଳ ସମର୍ଥନ କରୁଛି।

ଅଧିକ ପଢ଼ନ୍ତୁ: 'ବିଜୟ ପାଇଁ ହାର୍ଦ୍ଦିକ ଅଭିନନ୍ଦନ, ମୋର ବନ୍ଧୁ ଡୋନାଲ୍ଡ ଟ୍ରମ୍ପ': ଏକ ନିଆରା ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ମୋଦୀ