ନୂଆଦିଲ୍ଲୀ: ଓଡ଼ିଶାର ଝାରସୁଗୁଡ଼ାରେ କେନ୍ଦ୍ର ସରକାର ସ୍ଥାପନ କରିବେ ୧୦୦ ଶଯ୍ୟା ବିଶିଷ୍ଟ ଇଏସଆଇ ହସ୍ପିଟାଲ | ଆଜି ଏହି ନିଷ୍ପତ୍ତି ନିଆଯାଇଛି | ସୂଚନା ମୁତାବକ କର୍ମଚାରୀ ରାଜ୍ୟ ବୀମା ନିଗମ (ଇଏସଆଇସି) ନିଷ୍ପତ୍ତି ନେଇଛନ୍ତି ଯେ ଏହାର ସ୍ୱାସ୍ଥ୍ୟ ବୀମା ଯୋଜନା (ଇଏସଆଇ) ୨୦୨୨ ଶେଷ ସୁଦ୍ଧା ସାରା ଦେଶରେ କାର୍ଯ୍ୟକାରୀ ହେବ। ବର୍ତ୍ତମାନ ଏହି ଯୋଜନା ଦେଶର ୪୪୩ଟି ଜିଲ୍ଲା ଏବଂ ୧୫୩ଟି ଜିଲ୍ଲାରେ ଆଂଶିକ ରୂପେ କାର୍ଯ୍ୟକାରୀ ହୋଇଛି | ଇଏସଆଇ ଯୋଜନା ଅଧୀନରେ ମୋଟ ୧୪୮ଟି ଜିଲ୍ଲା ଏପର୍ଯ୍ୟନ୍ତ ଅନ୍ତର୍ଭୁକ୍ତ ହୋଇନାହିଁ। ଶ୍ରମ ଓ ନିଯୁକ୍ତି ମନ୍ତ୍ରୀ ଭୁପେନ୍ଦ୍ର ଯାଦବଙ୍କ ଅଧ୍ୟକ୍ଷତାରେ ରବିବାର ଦିନ ଅନୁଷ୍ଠିତ ହୋଇଥିବା ବୈଠକରେ ସାରା ଦେଶରେ ଚିକିତ୍ସା ସୁବିଧା ଯୋଗାଇଦେବାକୁ ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହି ବୈଠକରେ ଚଳିତ ବର୍ଷ ଶେଷ ସୁଦ୍ଧା ସମଗ୍ର ଦେଶରେ ଇଏସଆଇ ଯୋଜନା କାର୍ଯ୍ୟକାରୀ କରିବାକୁ ନିଷ୍ପତ୍ତି ନିଆଯାଇଛି। ସେହିପରି ଇଏସଆଇସି ସମଗ୍ର ଦେଶରେ ୨୩ଟି ନୂତନ ୧୦୦ ଶଯ୍ୟା ବିଶିଷ୍ଟ ଡାକ୍ତରଖାନା ସ୍ଥାପନ କରିବାକୁ ନିଷ୍ପତ୍ତି ନେଇଛି | ଏଥିମଧ୍ୟରୁ ମହାରାଷ୍ଟ୍ରରେ ୬ଟି, ହରିୟାଣାରେ ୪ଟି, ତାମିଲନାଡୁରେ ୨ଟି, ଉତ୍ତରପ୍ରଦେଶରେ ୨ଟି, କର୍ଣ୍ଣାଟକରେ ୨ଟି ହସ୍ପିଟାଲ ସ୍ଥାପନ କରାଯିବ |
ସେହିପରି ଆନ୍ଧ୍ରପ୍ରଦେଶର ନେଲୋର, ଛତିଶଗଡର ବିଳାସପୁର, ଗୋଆର ମୁଲଗାଓଁ, ଗୁଜୁରାଟର ସାନନ୍ଦ, ମଧ୍ୟପ୍ରଦେଶର ଜବଲପୁର, ଓଡିଶାର ଝାରସୁଗୁଡା ଏବଂ ପଶ୍ଚିମବଙ୍ଗର ଖଡଗପୁରରେ ମଧ୍ୟ ଡାକ୍ତରଖାନା ଖୋଲାଯିବ। ଏହି ଡାକ୍ତରଖାନା ବ୍ୟତୀତ ୬୨ଟି ସ୍ଥାନରେ ପାଞ୍ଚଟି ଡିସପେନସାରି ମଧ୍ୟ ଖୋଲାଯିବ | ଏଥିସହ ମହାରାଷ୍ଟ୍ରରେ ୪୮ଟି, ଦିଲ୍ଲୀରେ ୧୨ଟି ଏବଂ ହରିୟାଣାରେ ୨ଟି ଡିସପେନସାରି ଖୋଲାଯିବ।