ମୁମ୍ବାଇରେ ଜରୁରୀ ଅବତରଣ କଲା ଇଥିଓପିଆ ବିମାନ
ମୁମ୍ବାଇ: ରବିବାର ସନ୍ଧ୍ୟାରେ ମୁମ୍ବାଇର ଛତ୍ରପତି ଶିବାଜୀ ମହାରାଜା ଅନ୍ତର୍ଜାତୀୟ ବିମାନବନ୍ଦରରେ ଇଥିଓପିଆର ଏକ ବିମାନ ଜରୁରୀ ଅବତରଣ କରିଛି | ପ୍ରଥମେ କୁହାଯାଇଥିଲା ଯେ ଇଥିଓପିଆ ଏୟାରଲାଇନ୍ସର ଏକ ବିମାନର ହାଇଡ୍ରୋଲିକ୍ ଲିକ୍ ହେତୁ ମୁମ୍ବାଇରେ ଜରୁରୀକାଳୀନ ଅବତରଣ କରିବ। ଆଉ ଏହା ପରେ ଅଗ୍ନିଶମ ବିଭାଗର କର୍ମଚାରୀମାନେ ତିନୋଟି ଅଗ୍ନିଶମ ଇଞ୍ଜିନ୍, ଉଦ୍ଧାରକାରୀ ଭ୍ୟାନ୍ ଏବଂ ଅନ୍ୟାନ୍ୟ ଜରୁରୀ ଯାନ ସହିତ ନିୟୋଜିତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ସତର୍କତା ମଧ୍ୟରେ ବିମାନଟି ଶେଷରେ ସଫଳତାର ସହିତ ଅବତରଣ କରିଥିଲା | ମିଳିଥିବା ସୂଚନା ଅନୁଯାୟୀ, ଇଥିଓପିଆ ଏୟାରଲାଇନ୍ସର ଏକ ବିମାନ ଇଟି-୬୯୦ ରବିବାର ଦିନ ରିୟାଦରୁ ବେଙ୍ଗାଲୁରୁ ଅଭିମୁଖେ ଯାତ୍ରା କରୁଥିଲା। ବାଟରେ ବିମାନରେ ହାଇଡ୍ରୋଲିକ୍ ଲିକ୍ ହେବାର ସମସ୍ୟା ଦେଖାଦେଇଥିଲା। ସଙ୍ଗେ ସଙ୍ଗେ ପାଇଲଟ ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିବାକୁ ନିଷ୍ପତ୍ତି ନେଇଥିଲେ।
ଏହା ଜାଣିବା ପରେ ଅଘଟଣ ଆଶଙ୍କାରେ ମୁମ୍ବାଇ ଅଗ୍ନିଶମ ବିଭାଗକୁ ପ୍ରସ୍ତୁତ କରାଯାଇଥିଲା | ମୁମ୍ବାଇ ଅନ୍ତର୍ଜାତୀୟ ବିମାନବନ୍ଦର ଲିମିଟେଡର ମୁଖପାତ୍ର କହିଛନ୍ତି ଯେ ବିମାନର ଅବତରଣ ସମ୍ପୂର୍ଣ୍ଣ ସୁରକ୍ଷିତ ଭାବେ ହୋଇଛି । ଯାତ୍ରୀମାନଙ୍କର କୌଣସି ପ୍ରକାରର କ୍ଷତି ହୋଇନାହିଁ | ତେବେ ରିୟାଦରୁ ବିମାନ ଉଡ଼ାଣ ପରେ ସମସ୍ୟା ଆସିଛି କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।