ଇଭିଏମ୍ ମେସିନ୍ ଭାଙ୍ଗିବା ଅଭିଯୋଗରେ ଜଣେ ଗିରଫ
ଛପରା: ବିହାରର ଛପରାଠାରେ ମତଦାନ ପ୍ରକ୍ରିୟା ସୁରୁଖୁରୁରେ ଚାଲିଥିବାବେଳେ ଜଣେ ବ୍ୟକ୍ତି ଇଭିଏମ୍ ମେସିନ୍ ଭାଙ୍ଗି ଦେଇଥିବା ଜଣାଯାଇଛି। ଏହି ଘଟଣାରେ ଅଭିଯୁକ୍ତକୁ ପୁଲିସ୍ ଗିରଫ କରିଥିବା ଜଣାଯାଇଛି। ଅଭିଯୁକ୍ତର ନାଆଁ ରଂଜିତ୍ ପାଶ୍ୱାନ୍ ବୋଲି ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
କୁହାଯାଉଛି ଯେ ଛପରା ଲୋକସଭା ଆସନର ୧୩୧ ନଂ ବୁଥରେ ଭୋଟ୍ ଗ୍ରହଣ ପ୍ରକ୍ରିୟା ଚାଲିଥିବା ବେଳେ ଅଭିଯୁକ୍ତ ରଂଜିତ୍ ପାଶ୍ୱାନ୍ ହଠାତ୍ ସେଠାରେ ପହଞ୍ଚି ଇଭିଏମ୍ ମେସିନକୁ ତଳେ କଚାଡି ନେଇଥିଲା।ଏହାପରେ ପୁଲିସ୍ ଓ ସୁରକ୍ଷା କର୍ମୀମାନେ ଅଭିଯୁକ୍ତ ରଂଜିତ୍ ପାଶ୍ୱାନକୁ ଧରି ନେଇଥିଲେ। ତାପରେ ଉକ୍ତ ବୁଥରେ ସୁରକ୍ଷା ବ୍ୟବସ୍ଥାକୁ ଅଧିକ କଡ଼ାକଡ଼ି କରାଯାଇଛି।